ദുബായ് നെക്സസ് ലയൺസ് ക്ലബ് നേത്രപരിശോധനാ ക്യാമ്പും സൗജന്യ കണ്ണട വിതരണവും നടത്തി
ദുബായ്, യു.എ.ഇ. : സാമൂഹ്യ പ്രതിബദ്ധതയുടെ ഭാഗമായി ദുബായ് നെക്സസ് ലയൺസ് ക്ലബ്ബ് നടത്തിയ സൗജന്യ നേത്രപരിശോധനാ ക്യാമ്പ് 200-ൽ അധികം തൊഴിലാളികൾക്ക് സഹായകമായി. സോനാപ്പൂരിലെ അക്കൂറോ ലേബർ ക്യാമ്പിലായിരുന്നു പദ്ധതി സംഘടിപ്പിച്ചത്.
ക്ലബ്ബ് പ്രസിഡന്റ് ലയൺ ആന്റോസെൻ മൂത്തേടന്റെ നേതൃത്വത്തിൽ നടന്ന ഈ ഉദ്യമം, ലയൺസ് ക്ലബ്സ് ഇന്റർനാഷനലിന്റെ "We Serve" എന്ന ആപ്തവാക്യം അന്വർത്ഥമാക്കി. യു.എ.ഇ. ലയൺസ് Country ഓഫീസർ , ഗൈഡിങ് ലയണും ആയിട്ടുള്ള ശ്രീ ടി എൻ കൃഷ്ണകുമാറിന്റെ സാന്നിധ്യം ക്യാമ്പിന് പ്രാധാന്യം നൽകി. സൗജന്യ നേത്ര പരിശോധനകൾക്കൊപ്പം ആവശ്യക്കാർക്ക് സൗജന്യമായി കണ്ണടകളും വിതരണം ചെയ്തു.
സെക്രട്ടറി ടോം തോമസ്, സർവീസ് ചെയർ സാം ജോൺസൺ, മാർക്കറ്റിംഗ് ചെയർ ജിതിൻ മാണി, പ്രോജക്ട് കോർഡിനേറ്റർ സുജിത്ത് സുകുമാരൻ, ഡയറക്ടർ സൂരജ് ബാബു എന്നിവരുടെ നേതൃത്വത്തിൽ ക്യാമ്പ് വളരെ മികച്ച രീതിയിൽ നടത്തപ്പെട്ടു. അക്കൂറോ കമ്പനിയുടെ ഓപ്പറേഷൻസ് ഡയറക്ടർ മനോജ് കുമാർ എല്ലാ പിന്തുണയും അവ്വശ്യമായ സഹായങ്ങളും നൽകി ക്യാമ്പിന്റെ ഭാഗമായി . നാസ് ഓപ്റ്റിക്കൽ, പ്രവീണിന്റെ നേതൃത്വത്തിൽ, നേത്രപരിശോധനകളും കണ്ണട വിതരണവും ഏറ്റെടുത്തു നടത്തി.
"സമൂഹത്തിൽ യഥാർത്ഥ മാറ്റങ്ങൾ കൊണ്ടുവരാൻ സാധിക്കുന്നതിൽ ഞങ്ങൾ അഭിമാനിക്കുന്നു," പ്രസിഡന്റ് മൂത്തേടൻ പറഞ്ഞു.
ഇന്റർനാഷണൽ ഹ്യൂമാനിറ്റേറിയൻ സിറ്റിക്ക് കീഴിൽ പ്രവർത്തിക്കുന്ന ദുബായ് നെക്സസ് ലയൺസ് ക്ലബ്ബ്, യു.എ.ഇയിലുടനീളം ആരോഗ്യം, വിദ്യാഭ്യാസം, സുസ്ഥിര വികസനം, പരിസ്ഥിതി സംരക്ഷണം എന്നീ മേഖലകളിൽ ശ്രദ്ധേയമായ പ്രവർത്തനങ്ങൾ തുടരുന്നു.
