ഡിറ്റ് വാ ചുഴലിക്കാറ്റ് ഇന്ത്യന്‍ തീരത്തേക്ക്; തമിഴ്‌നാട്ടില്‍ റെഡ് അലര്‍ട്ട്
ഡിറ്റ് വാ ചുഴലിക്കാറ്റ് ഇന്ത്യന്‍ തീരത്തേക്ക് അടുക്കുന്നു. പുലര്‍ച്ചയോടെ വടക്കന്‍ തമിഴ്‌നാട് തീരത്തെത്തും. മണിക്കൂറില്‍ 80 കിലോമീറ്റര്‍ വരെ വേഗത്തിലുള്ള കാറ്റിന് സാധ്യതയുണ്ട്. തമിഴ്‌നാട് തീരത്തും പുതുച്ചേരിയിലും ശക്തമായ മഴയും കാറ്റും തുടരുകയാണ്. തിങ്കളാഴ്ച വരെ തമിഴ്‌നാട്-ആന്ധ്ര തീരത്ത് മഴ തുടരും.
പുതുച്ചേരിയിലും തമിഴ്‌നാട്ടിലെ അഞ്ച് ജില്ലകളിലും റെഡ് അലര്‍ട്ട് പ്രഖ്യാപിച്ചിരിക്കുകയാണ്. ചെന്നൈ അടക്കം 13 ജില്ലകളില്‍ കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. തമിഴ്‌നാട്ടില്‍ ആകെ 6000 ദുരിതാശ്വാസ ക്യാമ്പുകള്‍ തുറന്നതായി റവന്യൂ മന്ത്രി അറിയിച്ചു.
