കേരളം പോളിംഗ് ബൂത്തിലേക്ക്; നിയമസഭാ തിരഞ്ഞെടുപ്പ് ഏപ്രിൽ 9 ന്, വോട്ടെണ്ണൽ മെയ് 4 ന്

ന്യൂഡൽഹി: കേരളം, തമിഴ്നാട്, പശ്ചിമ ബംഗാൾ, അസം സംസ്ഥാനങ്ങളിലെയും കേന്ദ്രഭരണ പ്രദേശമായ പുതുച്ചേരിയിലെയും നിയമസഭാ തിരഞ്ഞെടുപ്പ് തീയതികൾ പ്രഖ്യാപിച്ച് കേന്ദ്ര തിരഞ്ഞെടുപ്പ് കമ്മീഷൻ . വാർത്താസമ്മേളനത്തിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ ആണ് തീയതികൾ പ്രഖ്യാപിച്ചത്. ഇതോടെ കേരളമടക്കമുള്ള ഈ സംസ്ഥാനങ്ങളിൽ മാതൃകാ പെരുമാറ്റച്ചട്ടം നിലവിൽ വന്നിരിക്കുകയാണ്. കേരളത്തിൽ ഒറ്റ ഘട്ടമായാണ് തെരഞ്ഞെടുപ്പ്.

തിരഞ്ഞെടുപ്പ് തീയതികൾ ഇങ്ങനെ

കേരളം: വോട്ടെടുപ്പ്, ഏപ്രിൽ 9-വ്യാഴം, മെയ് 4ന് വോട്ടെണ്ണൽ.
തമിഴ്നാട്: പോളിംഗ് തീയതി- ഏപ്രിൽ 23; വോട്ടെണ്ണൽ - മെയ് 4
പശ്ചിമ ബംഗാൾ: പോളിംഗ് തീയതി- ഏപ്രിൽ 23 (ഒന്നാം ഘട്ടം), ഏപ്രിൽ 29 (രണ്ടാം ഘട്ടം); വോട്ടെണ്ണൽ തീയതി- മെയ് 4
അസം: ഏപ്രിൽ 9, വ്യാഴം വോട്ടെടുപ്പ്, വോട്ടെണ്ണൽ - മെയ് 4
പുതുച്ചേരി: ഏപ്രിൽ 9, വ്യാഴം വോട്ടെടുപ്പ്, മെയ് 4ന് വോട്ടെണ്ണൽ.