കേന്ദ്ര ബജറ്റ് ഇത്തവണ ഫെബ്രുവരി ഒന്നിന് ഞായറാഴ്ച
ന്യൂഡല്ഹി: 2026-27 സാമ്പത്തിക വര്ഷത്തേക്കുള്ള കേന്ദ്ര ബജറ്റ് ഫെബ്രുവരി ഒന്നിന് ഞായറാഴ്ച അവതരിപ്പിക്കും. പ്രതിരോധ മന്ത്രി രാജ്നാഥ് സിങിന്റെ അധ്യക്ഷതയില് ചേര്ന്ന പാര്ലിമെന്ററി കാര്യ ക്യാബിനറ്റ് കമ്മിറ്റി ബജറ്റ് സമ്മേളനത്തിന്റെ കലണ്ടറിന് അംഗീകാരം നല്കി.
പാര്ലമെന്റിന്റെ ചരിത്രത്തില് ആദ്യമായാണ് കേന്ദ്ര ബജറ്റ് ഞായറാഴ്ച അവതരിപ്പിക്കുന്നത്.
ജനുവരി 28-ന് പാര്ലമെന്റിന്റെ ഇരുസഭകളെയും അഭിസംബോധന ചെയ്തുകൊണ്ടുള്ള രാഷ്ട്രപതിയുടെ പ്രസംഗത്തോടെ സമ്മേളന നടപടികള് ആരംഭിക്കും. ജനുവരി 29-ന് സാമ്പത്തിക സര്വേ സമര്പ്പിക്കും. ബജറ്റ് സമ്മേളനത്തിന്റെ ആദ്യ ഘട്ടം ജനുവരി 28 മുതല് ഫെബ്രുവരി 13 വരെയും രണ്ടാം ഘട്ടം മാര്ച്ച് ഒമ്പത് മുതല് ഏപ്രില് രണ്ട് വരെയുമായിരിക്കും.
