ഉമ്മൻ ചാണ്ടി ഇൻഷുറൻസ്, ഇൻവെസ്റ്റ് കേരളം സെൽ,  സൗജന്യ യാത്ര, റബ്ബറിന് 250! കന്നി ബജറ്റിൽ ജനപ്രിയ പ്രഖ്യാപനങ്ങൾ

യു.ഡി.എഫ് സർക്കാരിന്റെ ആദ്യ ബജറ്റ് ധനവകുപ്പ് കൈകാര്യം ചെയ്യുന്ന മുഖ്യമന്ത്രി വി.ഡി. സതീശൻ നിയമസഭയിൽ അവതരിപ്പിച്ചു. യു.ഡി.എഫ് സര്‍ക്കാരിന്റെ ആദ്യത്തേതും 2026-27 ലെ രണ്ടാമത്തെയും ബജറ്റാണിത്. ആദ്യ സമ്പൂര്‍ണ്ണ ബജറ്റ് ഇടതുമന്ത്രിസഭയിലെ മുന്‍ ധമന്ത്രി കെ.എന്‍. ബാലഗോപാല്‍ അവതരിപ്പിച്ചിരുന്നു.കഴിഞ്ഞ ജനുവരിയിൽ മുൻ എൽ.ഡി.എഫ് സർക്കാർ അവതരിപ്പിച്ച ബജറ്റിൽ ആവശ്യമായ തിരുത്തലുകളും പുതിയ സർക്കാരിന്റെ വികസന കാഴ്ചപ്പാടുകളും ഉൾക്കൊള്ളിച്ചാണ് 'പുതുയുഗ കേരളം' എന്ന ലക്ഷ്യത്തോടെയുള്ള ഈ പുതുക്കിയ ബജറ്റ് സഭയുടെ മേശപ്പുറത്തുവെച്ചത്. കടുത്ത സാമ്പത്തിക പ്രതിസന്ധിയും അഞ്ച് ലക്ഷം കോടിയിലധികം രൂപയുടെ കടബാധ്യതയും നിലനിൽക്കുന്ന പശ്ചാത്തലത്തിലും, ജനങ്ങൾക്ക് നൽകിയ തെരഞ്ഞെടുപ്പ് വാഗ്ദാനങ്ങൾ പാലിച്ചുകൊണ്ടുള്ള സുപ്രധാന പ്രഖ്യാപനങ്ങളാണ് ബജറ്റിലുള്ളത്.

സാമൂഹ്യ സുരക്ഷയ്ക്കും ആരോഗ്യ മേഖലയ്ക്കും വലിയ ഊന്നൽ നൽകുന്ന പ്രഖ്യാപനങ്ങളാണ് ബജറ്റിലുള്ളത്. അർഹരായ കുടുംബങ്ങൾക്ക് 25 ലക്ഷം രൂപയുടെ ചികിത്സാ പരിരക്ഷ നൽകുന്ന 'ഉമ്മൻചാണ്ടി ആരോഗ്യ ഇൻഷുറൻസ് പദ്ധതി'ക്ക് തുടക്കമിടുകയും ഇതിന്റെ ആദ്യഘട്ടത്തിനായി 10 കോടി രൂപ മാറ്റിവെക്കുകയും ചെയ്തു. കെ.എസ്.ആർ.ടി.സി ബസുകളിൽ സ്ത്രീകൾക്ക് സൗജന്യ യാത്രയൊരുക്കുന്ന 'പ്രിയദർശിനി' പദ്ധതിക്കായി 600 കോടി രൂപയാണ് വകയിരുത്തിയത്. ഗുരുതര രോഗബാധിതർക്ക് അടിയന്തര സഹായമെത്തിക്കാൻ 'വൺ കേരള കരുതൽ മിഷൻ' രൂപീകരിക്കും. കർഷകർക്ക് ആശ്വാസമായി റബ്ബറിന്റെ സബ്‌സിഡി തറവില 250 രൂപയായി ഉയർത്തിയതിനൊപ്പം കൃഷി മേഖലയ്ക്കായി ആകെ 1,535 കോടി രൂപ നീക്കിവെച്ചിട്ടുണ്ട്.

തീരദേശങ്ങളെയും തുറമുഖങ്ങളെയും ബന്ധിപ്പിച്ച് പോർട്ട് അധിഷ്ഠിത സമ്പദ്‌വ്യവസ്ഥ ലക്ഷ്യമിടുന്ന 'മിഷൻ സമുദ്ര' പദ്ധതിയും വിഴിഞ്ഞത്ത് പുതിയ കപ്പൽശാലയും ബജറ്റിലെ വലിയ പ്രഖ്യാപനങ്ങളാണ്. സംസ്ഥാനത്തെ നാല് വിമാനത്താവളങ്ങളുടെ ഏകോപിത വികസനത്തിനായി 200 കോടി രൂപ അനുവദിച്ചു. തൊഴിലവസരങ്ങൾ വർദ്ധിപ്പിക്കുന്നതിന്റെ ഭാഗമായി 10,000 പുതിയ MSME-കൾക്കായി 100 കോടി രൂപ വകയിരുത്തുകയും ആഗോള തൊഴിൽ സാധ്യതകൾ നിരീക്ഷിക്കാൻ 'ഗ്ലോബൽ ജോബ് വാച്ച് ടവർ' സ്ഥാപിക്കാൻ തീരുമാനിക്കുകയും ചെയ്തു.

ഉന്നത വിദ്യാഭ്യാസ മേഖലക്കായി കേരള നോളജ് വാലി. ഏറ്റവും മികച്ച അക്കാദമിക്ക് പ്രോഗ്രാനുകൾ കൊണ്ടുവരും. മികവിന്റെ കേന്ദ്രങ്ങൾ കൊണ്ടുവരും. മുൻനിര സ്ഥാപങ്ങളുമായി സഹകരിക്കും.

ഇൻവെസ്റ്റ് കേരളം സെൽ നിക്ഷേപങ്ങൾക്കുള്ള തടസ്സം ഇല്ലാതാക്കും ഭൂമി ഏറ്റെടുക്കലിലെ തടസ്സങ്ങൾ മാറ്റും.

ജെ സി ഡാനിയേലിന്റെ പേരിൽ കൊച്ചിയിൽ ഫിലിം സിറ്റി. അതിനായി 100 കോടി വകയിരുത്തും

രണ്ടാം ഭൂപരിഷ്കരണത്തിൽ ലാൻഡ് മാനേജ്മെന്‍റ് നയം നടപ്പിലാക്കും. വ്യവസായങ്ങള്‍ക്ക് ഭൂമി ഉറപ്പാക്കും.

തിരുവനന്തപുരത്തും ഹരിപ്പാടും പുതിയ മെഡിക്കൽ‌ കോളജ് സ്ഥാപിക്കും