തൃപ്പൂണിത്തുറയില്‍ പടക്കപ്പുരയില്‍ ഉഗ്രസ്‌ഫോടനം: ഒരാള്‍ മരിച്ചു ; നാല് പേരുടെ നില ഗുരുതരം

കൊച്ചി: തൃപ്പൂണിത്തുറയിലെ ഉഗ്രസ്‌ഫോടനത്തില്‍ ഒരാള്‍ മരിച്ചു. തിരുവനന്തപുരം ഉള്ളൂര്‍ സ്വദേശി വിഷ്ണുവാണ് മരിച്ചത്. നാല് പേരുടെ നില ഗുരുതരമായി തുടരുകയാണ് 14 പേര്‍ക്ക് പരിക്കേറ്റിട്ടുണ്ട്.

സമീപത്തെ 25 ഓളം വീടുകള്‍ക്കും കേടുപാടുകളുണ്ടായി. 300 മീറ്റര്‍ അകലെ വരെ പൊട്ടിത്തറിയുടെ പ്രകമ്പനമുണ്ടായി.

പുതിയകാവ് ക്ഷേത്രത്തിന് സമീപത്തെ പടക്കപ്പുരയില്‍ ഇന്ന് രാവിലെ 10.30ഓടെയാണ് ഉഗ്ര സ്ഫോടനം ഉണ്ടായത്. പാലക്കാട് നിന്ന് എത്തിച്ച പടക്കങ്ങള്‍ വാഹനത്തില്‍നിന്നും ഇറക്കി അടുത്തുള്ള കോണ്‍ക്രീറ്റ് കെട്ടിടത്തിലേക്ക് മാറ്റുന്നതിനിടെയായിരുന്നു അപകടം.