യൂത്ത് കോണ്‍ഗ്രസ് പ്രവര്‍ത്തകരെ യൂത്ത് കോണ്‍ഗ്രസ് പ്രവർത്തകരെ മുഖ്യമന്ത്രിയുടെ ഗണ്‍മാൻ മർദ്ദിച്ച കേസില്‍ തുടരന്വേഷണം
ആലപ്പുഴ: യൂത്ത് കോണ്‍ഗ്രസ് പ്രവർത്തകരെ മുഖ്യമന്ത്രിയുടെ ഗണ്‍മാൻ മർദ്ദിച്ച കേസില്‍ തുടരന്വേഷണത്തിന് കോടതി ഉത്തരവ്.
കേസ് അവസാനിപ്പിക്കണമെന്ന് ആവശ്യപ്പെട്ട് ജില്ലാ ക്രൈം ബ്രാഞ്ചാണ് കോടതിയില്‍ റഫറൻസ് റിപ്പോർട്ട് നല്‍കിയത്. ദൃശ്യങ്ങള്‍ ലഭിച്ചിട്ടില്ലെന്നും മർദിച്ചതിന് തെളിവില്ലെന്നും ആയിരുന്നു ക്രൈം ബ്രാഞ്ചിന്റെ വിചിത്ര വാദം. എന്നാല്‍, തെളിവുണ്ടെന്നും ഇത് സംബന്ധിച്ച രേഖകള്‍ മുദ്രവെച്ച പെൻഡ്രൈവില്‍ അന്വേഷണ സംഘത്തിന് കൈമാറിയതാണെന്നും ആയിരുന്നു യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി അജയ് ജുവല്‍ കുര്യാക്കോസ്, കെഎസ്‌യു ജില്ലാ പ്രസിഡന്റ് എ ഡി തോമസ് എന്നിവരുടെ വാദം.
ഈ വാദം പരിഗണിച്ച കോടതി തുടരന്വേഷണം നടത്താൻ ഉത്തരവിടുകയായിരുന്നു. കഴിഞ്ഞ ഡിസംബര്‍ 15നാണ് അജയ് ജുവല്‍ കുര്യാക്കോസിനെയും എ ഡി തോമസിനെയും സുരക്ഷാജീവനക്കാര്‍ വളഞ്ഞിട്ടുതല്ലിയത്.
