വിസിറ്റ് വിസ ദുരുപയോഗം ചെയ്ത് ജോലി ചെയ്യുന്നവർക്ക് മുന്നറിയിപ്പ്; നിയമനടപടി കടുപ്പിച്ച് യുഎഇ
ദുബായ്: സന്ദർശക വിസ (വിസിറ്റ് വിസ) ദുരുപയോഗം ചെയ്ത് യുഎഇയിൽ ജോലി ചെയ്യുന്നത് പിഴകൾക്കും കടുത്ത നിയമനടപടികൾക്കും കാരണമാകുമെന്ന് മാനവ വിഭവശേഷി സ്വദേശിവത്കരണ മന്ത്രാലയം അറിയിച്ചു. ജോലി അന്വേഷിച്ച് യുഎഇയിൽ എത്തുന്ന പ്രവാസികളെ ലക്ഷ്യമിട്ടുള്ള വ്യാജ റിക്രൂട്ട്മെൻ്റ് തട്ടിപ്പുകൾക്കെതിരെ ശക്തമായ മുന്നറിയിപ്പും മന്ത്രാലയം നൽകിയിട്ടുണ്ട്.
ജോലി തേടുന്നവരെ ലക്ഷ്യമിട്ട് ക്രിമിനൽ സംഘങ്ങൾ വ്യാജ തൊഴിൽ വാഗ്ദാനങ്ങളും വിസകളും നൽകുന്നുണ്ട്. നിയമപരമായി ലഭിക്കുന്ന ഏത് ജോബ് ഓഫറും മന്ത്രാലയം വഴിയായിരിക്കണം നൽകേണ്ടതെന്നും, ഉദ്യോഗാർത്ഥിക്ക് ഔദ്യോഗികമായ വർക്ക് എൻട്രി പെർമിറ്റ് ഉണ്ടായിരിക്കണമെന്നും മന്ത്രാലയം വ്യക്തമാക്കി. വിസിറ്റ്/ടൂറിസ്റ്റ് വിസകൾ ഒരു കാരണവശാലും ജോലി ചെയ്യാൻ ഉപയോഗിക്കരുത്.
മന്ത്രാലയം വഴി ലഭിക്കുന്ന ജോബ് ഓഫറിൽ അംഗീകൃത മാനേജരുടെ ഒപ്പ് ഉണ്ടെന്ന് ഉറപ്പാക്കുക.
ജോബ് ഓഫർ നമ്പർ മന്ത്രാലയത്തിൻ്റെ വെബ്സൈറ്റിലെ ‘ആപ്ലിക്കേഷൻ സ്റ്റാറ്റസ് എൻക്വയറി’ വഴി പരിശോധിച്ച് ഉറപ്പുവരുത്തുക.
തൊഴിൽദാതാവ് നൽകുന്ന ഇലക്ട്രോണിക് വർക്ക് എൻട്രി പെർമിറ്റ് കൈപ്പറ്റുക.
റിക്രൂട്ട്മെൻ്റ് സംബന്ധമായ എല്ലാ ചെലവുകളും വഹിക്കാൻ തൊഴിലുടമയ്ക്ക് നിയമപരമായ ബാധ്യതയുണ്ട്. ഉദ്യോഗാർത്ഥി പണം നൽകേണ്ട ആവശ്യമില്ല.
തൊഴിൽ നൽകുന്ന കമ്പനി നിലവിലുണ്ടോയെന്ന് നാഷണൽ ഇക്കണോമിക് രജിസ്റ്ററിൽ തിരഞ്ഞ് ഉറപ്പുവരുത്തുക തുടങ്ങി വ്യാജ റിക്രൂട്ട്മെൻ്റ് തട്ടിപ്പുകളിൽ വീഴാതിരിക്കാൻ ശ്രദ്ധിക്കേണ്ട കാര്യങ്ങൾ മന്ത്രാലയം വിശദീകരിച്ചു:
