തിരഞ്ഞെടുപ്പിൽ ബിജെപി-സിപിഐഎം ബന്ധം വ്യക്തം; സണ്ണി ജോസഫ്
തിരഞ്ഞെടുപ്പിൽ ബിജെപി-സിപിഐഎം ബന്ധം വ്യക്തമെന്ന് സണ്ണി ജോസഫ്. കൂടാതെ മുഖ്യമന്ത്രി ബിജെപിയുമായി ഒത്തുകളിക്കുന്നുവെന്നും അദ്ദേഹം പറഞ്ഞു.
അതേസമയം ബേപ്പൂർ മണ്ഡലത്തിൽ ഇത്തവണ റീൽസ് മാറി റിയാലിറ്റി വരുമെന്ന് യുഡിഎഫ് സ്ഥാനാർത്ഥി പി വി. അൻവർ. മണ്ഡലത്തിലെ നിലവിലെ രാഷ്ട്രീയ സാഹചര്യങ്ങളെയും വികസന മുരടിപ്പിനെയും രൂക്ഷമായ ഭാഷയിലാണ് പി വി അൻവർ വിമർശിച്ചത്.
ബേപ്പൂരിലെ വോട്ടർമാർ മാറ്റം ആഗ്രഹിക്കുന്നുണ്ടെന്നും എല്ലാ രാഷ്ട്രീയ ഇസങ്ങളും ഈ തിരഞ്ഞെടുപ്പോടെ അവസാനിക്കുമെന്നും അൻവർ അവകാശപ്പെട്ടു. എൽഡിഎഫ് കേന്ദ്രങ്ങളിൽ പോലും മാറ്റത്തിന്റെ സ്വരമാണ് കേൾക്കുന്നതെന്ന് അദ്ദേഹം കൂട്ടിച്ചേർത്തു. മണ്ഡലത്തിൽ കുടിവെള്ള ക്ഷാമം രൂക്ഷമാണെന്നും ആഴ്ചയിൽ രണ്ട് ദിവസം മാത്രമാണ് വെള്ളം ലഭിക്കുന്നതെന്നും അദ്ദേഹം ആരോപിച്ചു.
