ബന്ധുനിയമന വിവാദം: മന്ത്രി സണ്ണി ജോസഫിന്റെ സഹോദരീ ഭർത്താവ് രാജിവച്ചു

തിരുവനന്തപുരം: യുഡിഎഫ് സർക്കാർ അധികാരമേറ്റെടുത്തതിന് പിന്നാലെ ഉയർന്ന ബന്ധുനിയമന വിവാദത്തിൽ രാജി. മന്ത്രി സണ്ണി ജോസഫിന്റെ സഹോദരീ ഭർത്താവാണ് രാജിവച്ചത്. അധികാരമേറ്റയുടൻ സണ്ണി ജോസഫിന്റെ പേഴ്‌സണൽ സ്‌റ്റാഫിൽ അളിയനായ ബെന്നി തോമസിനെ നിയമിച്ചിരുന്നു. അഡീഷണൽ പ്രൈവറ്റ് സെക്രട്ടറിയായിട്ടായിരുന്നു നിയമനം. ഇത് പ്രതിപക്ഷം വലിയ രീതിയിൽ ആയുധമാക്കിയതിന് പിന്നാലെയാണ് നടപടി.

പാർട്ടിക്കുള്ളിൽ നിന്ന് തന്നെ ഇക്കാര്യത്തിൽ ഭിന്നസ്വരങ്ങൾ ഉയർന്നിരുന്നു . ബെന്നിയുടെ രാജിക്കത്ത് മുഖ്യമന്ത്രി വിഡി സതീശന് കൈമാറി. കഴിഞ്ഞ ദിവസം ബന്ധു നിയമന വിവാദത്തെ ചൊല്ലി കെപിസിസി യോഗത്തിൽ സണ്ണി ജോസഫിനെതിരെ വിമർശനം . പരസ്യ പ്രതികരണങ്ങൾ ഉയർന്നില്ലെങ്കിലും പാർട്ടിക്കുള്ളിൽ എതിർപ്പ് ശക്തമായിരുന്നു