ശബരിമലയിൽ ആചാരം സംരക്ഷിക്കണം: യുവതീ പ്രവേശനത്തിൽ നിലപാട് തിരുത്തി ദേവസ്വം ബോർഡ്
തിരുവനന്തപുരം: ശബരിമല യുവതീ പ്രവേശന വിഷയത്തിൽ നിർണായക തീരുമാനവുമായി തിരുവിതാംകൂർ ദേവസ്വം ബോർഡ്. ശബരിമലയിൽ യുവതീ പ്രവേശനത്തെ അനുകൂലിച്ച നിലപാട് തിരുത്താനാണ് ദേവസ്വം ബോർഡ് ഒരുങ്ങുന്നത്. 2019 ലെ ദേവസ്വം ബോർഡിന്റെ സത്യവാങ്മൂലം സുപ്രീംകോടതിയിൽ തിരുത്തും. ശബരിമലയിൽ ആചാരം സംരക്ഷിക്കണമെന്നതാണ് ദേവസ്വം ബോർഡിന്റെ പുതിയ നിലപാട്.
യുവതി പ്രവേശന വിഷയം ബോർഡ് ചർച്ച ചെയ്തു. ക്ഷേത്ര ആചാരങ്ങളെയും വിശ്വാസങ്ങളെയും സംരക്ഷിക്കും. സുപ്രീം കോടതിയെ നിലപാട് അറിയിക്കും. മാർച്ച് 14 മുൻപ് കോടതിയിൽ സത്യവാങ്മൂലം നൽകും. സർക്കാരിന്റെ തീരുമാനം സർക്കാരിനോട് തന്നെ ചോദിക്കണമെന്നും ദേവസ്വം ബോർഡ് യോഗത്തിന് ശേഷം ബോർഡ് പ്രസിഡന്റ് കെ ജയകുമാർ മാധ്യമങ്ങളോട് പറഞ്ഞു.
2019ല് യുവതീ പ്രവേശനത്തെ അനുകൂലിച്ച് തിരുവിതാംകൂര് ദേവസ്വം ബോര്ഡ് നിലപാടെടുത്തിരുന്നു. കേസ് വീണ്ടും സുപ്രീംകോടതിയുടെ പരിഗണനയില് വന്നപ്പോഴാണ് പുനഃരാലോചന നടന്നത്.
