_credit-Sanu_N_wikicommons.jpg?#)
'കുറച്ചു പിതാക്കന്മാര് ഊളത്തരവും പറഞ്ഞു നടക്കുന്നു, ക്രിസ്ത്യാനികളെ ചുമക്കുന്നത് ബിജെപിയുടെ മാന്യത'; പി സി ജോര്ജ്
കോട്ടയം: ബിഷപ്പുമാരെ രൂക്ഷമായി അധിക്ഷേപിച്ച് പൂഞ്ഞാറിലെ എന്ഡിഎ സ്ഥാനാര്ത്ഥിയും ബിജെപി ദേശീയ നിര്വാഹക സമിതി അംഗവുമായ പി സി ജോര്ജ്. കുറച്ചു പിതാക്കന്മാര് എന്ത് ഊളത്തരവും പറഞ്ഞു നടക്കുകയാണ്. അവര് കോണ്ഗ്രസ് വരണമെന്ന അബദ്ധവിചാരവുമായി നടക്കുകയാണ്. അവര് ഇതിനപ്പുറത്തെ വര്ത്തമാനവും പറയും. അതു ഞാന് പരിഗണിക്കുന്നില്ല. ക്രിസ്ത്യാനികളും പരിഗണിക്കില്ലെന്നും പി സി ജോര്ജ് പറഞ്ഞു.
വിദേശ സംഭാവന നിയന്ത്രണ നിയമത്തിലെ (എഫ്സിആര്എ) ഭേദഗതി സംബന്ധിച്ച ചോദ്യത്തിന് മറുപടി നല്കുകയായിരുന്നു അദ്ദേഹം. ബിജെപി എന്നു പറഞ്ഞാല് കുറച്ചു പിതാക്കന്മാര്ക്ക് ഹാലിളകുന്നു. അവര്ക്ക് തലയ്ക്ക് സ്ഥിരതയില്ല. എഫ്സിആര്എ നിയമഭേദഗതിയില് ആര്ക്കും ആശങ്ക ആവശ്യമില്ലെന്നും പി സി ജോര്ജ് പറഞ്ഞു.
0രാജ്യത്ത് രണ്ടേകാല് ശതമാനം മാത്രമാണ് ക്രിസ്ത്യാനികള്. ബിജെപിയുടെ മാന്യത കൊണ്ടാണ് ക്രിസ്ത്യാനികളെ ചുമന്നുകൊണ്ടു നടക്കുന്നത്. ക്രിസ്ത്യാനികളെ ഇത്രയും കൂടുതല് അംഗീകരിച്ച രാഷ്ട്രീയ പാര്ട്ടി വേറെയില്ല. കോണ്ഗ്രസ് ഭരിച്ചപ്പോള് പോലും ഇത്രയും ക്രിസ്ത്യന് മുഖ്യമന്ത്രിമാര് ഉണ്ടായിട്ടില്ല. ഇതൊക്കെ മറച്ചുവെച്ച് ബിഷപ്പുമാര് ഊളത്തരം പറയാന് പാടില്ലെന്നും പിസി ജോര്ജ് കൂട്ടിച്ചേര്ത്തു.
