എഡിഎം നവീൻ ബാബു മരണത്തിൽ സിബിഐ അന്വേഷണത്തിന് ശുപാർശ; മകൾക്ക് ആശ്രിത നിയമനം
അഡിഷണൽ ജില്ലാ മജിസ്ട്രേറ്റ് (എഡിഎം) കെ. നവീൻ ബാബുവിന്റെ മരണത്തിൽ സിബിഐ അന്വേഷണത്തിന് ശുപാർശ. മന്ത്രിസഭാ യോഗത്തിലാണ് തീരുമാനം. നവീൻ ബാബുവിൻ്റെ മകൾക്ക് ആശ്രിത നിയമനം നൽകും.
നവീൻ ബാബുവിന്റെ ഭാര്യയും റവന്യൂ വകുപ്പ് ഉദ്യോഗസ്ഥയുമായ കെ. മഞ്ജുഷ, സഹോദരനും അഭിഭാഷകനുമായ പ്രവീൺ ബാബു എന്നിവരുൾപ്പെടെയുള്ള കുടുംബം അടുത്തിടെ മുഖ്യമന്ത്രി വി.ഡി. സതീശനെയും ആഭ്യന്തരമന്ത്രി രമേശ് ചെന്നിത്തലയെയും സന്ദർശിച്ചിരുന്നു.
സിപിഎം നേതാവും മുൻ കണ്ണൂർ ജില്ലാ പഞ്ചായത്ത് പ്രസിഡന്റുമായ പി.പി. ദിവ്യ ഏക പ്രതിയായുള്ള ആത്മഹത്യാ പ്രേരണ കേസിൽ സിബിഐ അന്വേഷണം വേണമെന്ന ആവശ്യം കുടുംബം ഉന്നയിച്ചിരുന്നു.
