പുസ്തകപ്രകാശനവും കവിയരങ്ങും
തിരുവഞ്ചൂർ: തിരുവഞ്ചൂർ പബ്ലിക് ലൈബ്രറിയിൽ, എസ്.പി. സി. എസ്. പ്രസിദ്ധീകരിച്ച് എൻ. ബി. എസ്. വിപണനത്തിനെടുത്ത 'സൂസൻ പാലാത്രയുടെ ലഘുനോവലുകൾ' എന്ന പുസ്തകത്തിന്റെ പ്രകാശനകർമം അഡ്വ. ഫിൽസൺ മാത്യൂസ്, പുസ്തകത്തിന്റെ ആദ്യപ്രതി പ്രമുഖകവിയും കാർട്ടൂണിസ്റ്റുമായ ജോർജുകുട്ടി താവളത്തിന് നല്കിക്കൊണ്ട് നിർവഹിച്ചു.
രാജു പാമ്പാടി, സിൽജി ജെ. ടോം എന്നിവർ പുസ്തകപരിചയവും നിരൂപണവും നടത്തി.
കവിയരങ്ങിൽ എബി പാലാത്രയെ പൊന്നാടയണിയിച്ച് ആദരിച്ചു.
സാബു കോലത്ത് അധ്യക്ഷതയും. ഉദ്ഘാടനം അഡ്വ. ഫിൽസൺ മാത്യൂസും ആശംസ കെ.സി. ഐപ്പും നിർവഹിച്ചു. മാത്യു ചിങ്ങവനം, സഹീറ റാവുത്തർ, എബി പാലാത്ര, രാജു പാമ്പാടി, എൽദോ മാത്യു, ഫിലിപ്പ് തൊടുപുഴ, ജോയിച്ചൻ മണർകാട്, സുരേഷ് കുമാർ മയൂഖം, സൂസൻ പാലാത്ര, കെ.ജി. കൃഷ്ണൻ കുട്ടി, എം. എൻ ഷാജി, ശ്രധരൻ നട്ടാശ്ശേരി തുടങ്ങിയവർ കവിയരങ്ങിൽ പങ്കെടുത്തു.
