ഡാലസ് സിറ്റിവൈഡ് ഫെല്ലോഷിപ്പിന്റെ മിഷൻ മീറ്റ് 2026 ശനിയാഴ്ച ഗാർലൻഡിൽ
പ്രസാദ് തീയാടിക്കൽ
ഡാലസ്: ഡാലസ് സിറ്റിവൈഡ് ഫെല്ലോഷിപ്പിന്റെ ആഭിമുഖ്യത്തിൽ മിഷൻ മീറ്റ് 2026 എന്ന പേരിൽ മിഷനറിമാരെയും വിവിധ ശുശ്രൂഷാ പ്രവർത്തകരെയും ആദരിക്കുന്ന പ്രത്യേക സംഗമം ജൂൺ 27 ശനിയാഴ്ച ഗാർലൻഡിലെ Comfort Full Gospel Church-ൽ നടക്കും.
രാവിലെ 10:00 മുതൽ ഉച്ചയ്ക്ക് 12:30 വരെ നടക്കുന്ന ഈ സമ്മേളനത്തിൽ ഇന്ത്യയിൽ നിന്നുള്ള പാസ്റ്റർ സജി മാത്യു മുഖ്യാതിഥിയും മുഖ്യപ്രഭാഷകനുമായി പങ്കെടുക്കും. മിഷൻ പ്രവർത്തനങ്ങളുടെ പ്രസക്തി, സുവിശേഷ ശുശ്രൂഷയുടെ വെല്ലുവിളികൾ, ആഗോള മിഷൻ ദർശനം എന്നിവയെ ആസ്പദമാക്കിയ സന്ദേശം അദ്ദേഹം പങ്കുവെക്കും.
മിഷൻ പ്രവർത്തനങ്ങളിൽ ഏർപ്പെട്ടിരിക്കുന്ന ശുശ്രൂഷകരെ ആദരിക്കുകയും അവരുടെ സേവനങ്ങളെ പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെയാണ് Missions and Ministries Appreciation Event സംഘടിപ്പിച്ചിരിക്കുന്നതെന്ന് സംഘാടകർ അറിയിച്ചു.
