വീട് ഇടിഞ്ഞു വീണ് ഉറങ്ങിക്കിടന്ന നാല് പേര്‍ക്ക് ദാരുണാന്ത്യം
ചെന്നൈ: തമിഴ്‌നാട്ടില്‍ വീടിന്റെ മേല്‍ക്കൂര ഇടിഞ്ഞുവീണ് ഒരു കുടുംബത്തിലെ നാല് പേര്‍ മരിച്ചു. തിരുച്ചിറപ്പള്ളിയിലാണ് ദാരുണ സംഭവം.
51 വര്‍ഷം പഴക്കമുള്ള വീടിന്റെ മേല്‍ക്കൂരയാണ് തകര്‍ന്നുവീണത്. പുലര്‍ച്ചെയോടെ ഉറങ്ങിക്കിടക്കുന്നവരുടെ മേലേക്ക് തകര്‍ന്ന് വീഴുകയായിരുന്നു. രാവിലെ ടെറസില്‍ കയറിയ അയല്‍വാസിയാണ് മേല്‍ക്കൂര തകര്‍ന്ന് കിടക്കുന്നത് കണ്ടത്. ഉടന്‍ തന്നെ പൊലിസിലും ഫയര്‍ഫോഴ്‌സിലും വിവരമറിയിക്കുകയായിരുന്നു
