വാഗമൺ അഡ്വഞ്ചർ പാർക്കിലെ ഗ്ലാസ് ബ്രിഡ്ജ് തുറക്കുന്നു
ഇടുക്കി: വാഗമൺ അഡ്വഞ്ചർ പാർക്കിലെ ഗ്ലാസ് ബ്രിഡ്ജ് തുറക്കുന്നു . നിലവിൽ പാലം ബലപ്പെടുത്തുന്ന ജോലികൾ നടക്കുകയാണ്. സർക്കാർ ഇതിനായി വിദഗ്ധ സമിതിയെ നിയോഗിച്ചിട്ടുണ്ട്. കാലിക്കറ്റ് എൻഐടിയിലെ വിദഗ്ധ സമിതിയാണ് മേൽനോട്ടം വഹിക്കുന്നത്. ബ്രിജ് അപ്ഗ്രേഡ് ചെയ്ത ശേഷം എൻഐടിയുടെ മേൽനോട്ടത്തിൽ ബലം പരിശോധിച്ച് ഉറപ്പാക്കും. ഇതിനു ശേഷം മാത്രമേ പൊതു ജനത്തിനു തുറന്നു നൽകുകയുള്ളൂ.
ഗ്ലാസ് ബ്രിഡ്ജ് ജോലികളെല്ലാം പൂർത്തീകരിച്ച് തുറക്കാൻ ഇനി ഒരു മാസം കൂടിയേ സമയമെടുക്കൂ എന്നാണ് വിവരം. കൊച്ചി ആസ്ഥാനമായിട്ടുള്ള ഭാരത് മാതാ വെഞ്ച്വേഴ്സ് ആണ് നിർമാണം. ഇടുക്കി ജില്ലാ ടൂറിസം പ്രമോഷൻ കൗൺസിലുമായി ചേർന്ന് പിപിപി മോഡലിലാണ് അഡ്വഞ്ചർ പാർക്ക് നിർമിച്ചിരിക്കുന്നത്. കഴിഞ്ഞ ഒൻപതു മാസമായി ഗ്ലാസ് ബ്രിഡ്ജ് അടച്ചിട്ടിരിക്കുകയായിരുന്നു.
