ശബരിമല സ്വർണ്ണക്കൊള്ള: അടൂർ പ്രകാശിനെ ചോദ്യം ചെയ്യും
തിരുവനന്തപുരം: ശബരിമല സ്വർണ്ണക്കൊള്ള കേസിൽ രാഷ്ട്രീയ ഉന്നതരെ കേന്ദ്രീകരിച്ച് അന്വേഷണം ശക്തമാക്കി പ്രത്യേക അന്വേഷണ സംഘം. കേസിലെ മുഖ്യപ്രതിയായ ഉണ്ണികൃഷ്ണൻ പോറ്റിയുമായി യുഡിഎഫ് കൺവീനർ അടൂർ പ്രകാശിനുള്ള ബന്ധം വ്യക്തമാക്കുന്നതിനായി അദ്ദേഹത്തെ ചോദ്യം ചെയ്യാൻ അന്വേഷണ സംഘം തീരുമാനിച്ചു.
അടൂർ പ്രകാശ് ഉണ്ണികൃഷ്ണൻ പോറ്റിയോടൊപ്പം നടത്തിയ ഡൽഹി യാത്രയെക്കുറിച്ച് അന്വേഷണ സംഘം വിവരങ്ങൾ ശേഖരിക്കും. സോണിയ ഗാന്ധിയുമായുള്ള കൂടിക്കാഴ്ചയിൽ പോറ്റിയെ എത്തിക്കുന്നതിൽ അടൂർ പ്രകാശിൻ്റെ പങ്ക് അന്വേഷണ പരിധിയിലുണ്ട്.
