സ്ത്രീ ശാക്തീകരണത്തിൻ്റെ ഉദാഹരണം: സുശീല കാർക്കിയെ അഭിനന്ദിച്ച് പ്രധാനമന്ത്രി മോദി
ദിവസങ്ങൾ നീണ്ട അക്രമാസക്തമായ പ്രതിഷേധങ്ങൾക്ക് ശേഷം നേപ്പാൾ സാധാരണ നിലയിലേക്ക് മടങ്ങിയെത്തിയതോടെ, പ്രധാനമന്ത്രി നരേന്ദ്ര മോദി ശനിയാഴ്ച നേപ്പാളിലെ ഇടക്കാല പ്രധാനമന്ത്രി സുശീല കാർക്കിയെ അഭിനന്ദിച്ചു. അധികാരത്തിൽ എത്തിയത് സ്ത്രീ ശാക്തീകരണത്തിന്റെ മികച്ച ഉദാഹരണമാണെന്ന് പ്രധാനമന്ത്രി പറഞ്ഞു. നേപ്പാളിലെ യുവജനങ്ങൾക്ക് നല്ലൊരു ഭാവിയുണ്ടാകട്ടെ എന്നും പ്രധാനമന്ത്രി ആശംസിച്ചു.
മുൻ ചീഫ് ജസ്റ്റിസായ സുശീല കാർക്കി വെള്ളിയാഴ്ച രാത്രിയാണ് രാജ്യത്തിന്റെ ഇടക്കാല പ്രധാനമന്ത്രിയായി സത്യപ്രതിജ്ഞ ചെയ്തത്. അഴിമതിക്കെതിരായ വൻ പ്രതിഷേധങ്ങളെ തുടർന്ന് മുൻ പ്രധാനമന്ത്രി കെപി ശർമ്മ ഒലി രാജിവെച്ചതിന് നാല് ദിവസത്തിന് ശേഷമാണ് അവർ പ്രധാനമന്ത്രി പദത്തിലെത്തുന്നത്. നേപ്പാളിന്റെ പ്രധാനമന്ത്രി സ്ഥാനം വഹിക്കുന്ന ആദ്യ വനിതയാണ് കാർക്കി.
