ശതാഭിഷേക ശോഭയിൽ മലയാളത്തിന്റെ ഗന്ധർവ നാദ വിസ്മയം

Jan 10, 2024 - 19:20 Updated: Feb 7, 2024 - 07:31
0 77
ശതാഭിഷേക ശോഭയിൽ മലയാളത്തിന്റെ ഗന്ധർവ നാദ വിസ്മയം
 ഓരോ പ്രഭാതത്തിലും മലയാളിയെ പാട്ടുപാടി ഉണർത്തുന്ന മ​ഹാ​പ്ര​തി​ഭ​യ്ക്ക്- പ്രിയപ്പെട്ട ദാസേട്ട​ന് ഇ​ത്  ശ​താ​ഭി​ഷേ​കവേള.  ആ​യി​രം മാ​സം ജീ​വി​ച്ച്, ആ​യി​രം പൂ​ർ​ണ​ച​ന്ദ്ര​ന്മാ​രെ കാ​ണാ​നാ​വു​ന്ന ശുഭ ​മു​ഹൂ​ർ​ത്ത​മാ​ണ് ശ​താ​ഭി​ഷേ​കം(84ാം പി​റ​ന്നാൾ ) . 
 
ഈ നൂറ്റാണ്ട് മലയാളത്തിന് സമ്മാനിച്ച അമൂല്യനാദ സൗന്ദര്യമാണ് ലോകത്തിനു മുന്നിൽ മലയാളിയുടെ അഭിമാനവും സ്വകാര്യ അഹങ്കാരവുമായ  യേശുദാസ്. പ​ഴ​യ ത​ല​മു​റ​യും പു​തു ത​ല​മു​റ​യും ഒ​രു​പോ​ലെ ആ​സ്വ​ദി​ക്കു​ന്ന​ ഗാനങ്ങളാണ് ദാസേട്ടന്റെത് . ആ നാദമിങ്ങനെ ഓരോ പുലരിയിലും ആഘോഷവേളകളിലും മധുരിമയാർന്ന ഗാനങ്ങളായി ഓരോ മലയാളിയുടെയും  മനസിലെത്തികൊണ്ടേയിരിക്കും.  
 ""ജാ​തി​ഭേ​ദം മ​ത​ദ്വേ​ഷം
 
ഏ​തു​മി​ല്ലാ​തെ സ​ർ​വ​രും
 
സോ​ദ​ര​ത്വേ​ന വാ​ഴു​ന്ന
 
മാ​തൃ​കാ​സ്ഥാ​ന​മാ​ണി​ത്''
എ​ന്ന ശ്രീ​നാ​രാ​യ​ണ ഗു​രു​വി​ന്‍റെ പ്ര​സി​ദ്ധ​മാ​യ ശ്ലോ​കം ചൊ​ല്ലി 1961ൽ അ​ര​ങ്ങേ​റ്റം കു​റി​ച്ച യേ​ശു​ദാ​സ് പി​ന്നീ​ട് ച​ല​ച്ചി​ത്ര ഗാ​ന രം​ഗ​ത്തെ  ആ​രാ​ധ്യ  മാ​തൃ​ക​യാ​യി മാ​റു​ക​യാ​യി​രു​ന്നു. 
വി​ണ്ണി​ൽ നി​ന്നും മ​ണ്ണിലിറങ്ങിയ  ​ഗ​ന്ധ​ർ​വ​ഗായകന്‍റെ  ഗാനങ്ങൾ തുടർന്നിങ്ങോട്ട് ശ്രു​തി​യും ല​യ​വും തെ​റ്റാ​തെ,  ക​ര​യു​മ്പോ​ഴും ചി​രി​ക്കു​മ്പോ​ഴും കൂ​ടെ​ചേ​രു​ന്ന 
ശബ്ദ വിസ്മയമായി മലയാളിയുടെ  സന്തോഷത്തിലും ഭക്തിയിലും  പ്രണയത്തിലും വിരഹത്തിലും ശോകത്തിലും   ലക്ഷക്കണക്കിന് ഹൃദയങ്ങൾ കീഴടക്കി സം​ഗീ​ത​ത്തി​ന്‍റെ നാദപ്രപഞ്ചം  തീ​ർ​ത്തുകൊണ്ടേയിരിക്കുന്നു. 
 "താ​മ​സ​മെ​ന്തേ വ​രു​വാ​ൻ പ്രാ​ണ​സ​ഖീ എ​ന്‍റെ മു​ന്നി​ൽ', അ​ല്ലി​യാ​മ്പ​ൽ ക​ട​വി​ല​ന്ന​ര​യ്ക്കു വെ​ള്ളം,  ഒ​രു പു​ഷ്പം മാ​ത്ര​മെ​ൻ പൂ​ങ്കുല​യി​ൽ നി​ർ​ത്തീ​ടാം തു​ട​ങ്ങി ഒ​ട്ട​ന​വ​ധി ഗാ​ന​ങ്ങ​ൾ..വിദേശ ഭാഷകൾ ഉൾപ്പെടെ അരലക്ഷത്തിലധികം ഗാനങ്ങൾ ആലപിച്ച യേശുദാസ് മലയാളത്തിൽ മാത്രമല്ല  ഹിന്ദിയിലും തമിഴിലും തെലുങ്കിലും കന്നഡയിലും  പാടിയ ഗാനങ്ങളും  ഹിറ്റായി.
പത്മശ്രീ, പത്മഭൂഷൺ, പത്മവിഭൂഷൺ അടക്കമുള്ള വിവിധ ബഹുമതികൾ ലഭിച്ചു.  മി​ക​ച്ച ഗാ​യ​ക​നു​ള്ള ദേ​ശീ​യ സി​നി​മാ പു​ര​സ്‌​ക്കാ​രം എ​ട്ടു ത​വ​ണ സ്വന്തമായി. വി​വി​ധ ഭാ​ഷ​ക​ളി​ലാ​യി 43 സം​സ്‌​ഥാ​ന അ​വാ​ർ​ഡു​ക​ൾ . ഇ​തി​ൽ കേ​ര​ള സ​ർ​ക്കാ​റി​ന്‍റെ 25 പു​ര​സ്‌​ക്കാ​രമടക്കം  നേ​ടി​യി​ട്ടു​ണ്ട് 
കാ​ട്ട​ശേ​രി ജോ​സ​ഫ് യേ​ശു​ദാ​സ് എന്നാണ് യേശുദാസിന്റെ പേര് .​1940 ജ​നു​വ​രി പ​ത്തി​ന് ഫോ​ര്‍​ട്ട് കൊ​ച്ചി​യി​ല്‍ സം​ഗീ​ത​ജ്ഞ​നും നാ​ട​ക ന​ട​നു​മാ​യ അ​ഗ​സ്റ്റി​ന്‍ ജോ​സ​ഫി​ന്‍റെ​യും എ​ലി​സ​ബ​ത്ത് ജോ​സ​ഫി​ന്‍റെ​യും മ​ക​നാ​യി​ട്ടാ​യി​രു​ന്നു  ജ​ന​നം. പി​താ​വ് അ​ഗ​സ്റ്റിനായിരു ​​ന്നു  സംഗീത വഴികളിലെ ആ​ദ്യ​ഗു​രു.
വ​യ​ലാ​റി​ന്‍റെ ശി​പാ​ർ​ശ​യി​ൽ ദേ​വ​രാ​ജ​ൻ മാ​ഷ് ഈ​ണ​മൊ​രു​ക്കി​യ ‘ഭാ​ര്യ’ എ​ന്ന ചി​ത്ര​ത്തി​ലെ ‘ദ​യാ​പ​ര​നാ​യ ക​ർ​ത്താ​വേ’ എ​ന്ന പാ​ട്ടാ​യി​രു​ന്നു അ​ദ്ദേ​ഹ​ത്തി​ന്‍റെ സം​ഗീ​ത​ജീ​വി​ത​ത്തി​ലെ വ​ഴി​ത്തി​രി​വ്. യേ​ശു​ദാ​സ്-​ദേ​വ​രാ​ജ​ൻ കൂ​ട്ട് അ​വി​ടെ തു​ട​ങ്ങി. 
ഭാ​ര്യ പ്ര​ഭ​യ്ക്കൊ​പ്പം അ​മേ​രി​ക്ക‌​യില്‍ ഡാ​ല​സി​ലാ​ണ് യേ​ശു​ദാ​സ് താമസം. വി​നോ​ദ്, പി​ന്ന​ണി​ഗാ​യ​ക​നും ന​ട​നു​മാ​യ വി​ജ​യ് യേ​ശു​ദാ​സ്, വി​ശാ​ൽ എ​ന്നി​വ​രാ​ണ് മ​ക്ക​ൾ.
 ശ്രുതി മധുരമായ ഒരുപിടി ഗാനങ്ങളിലൂടെ  നി​ല​ക്കാ​ത്ത ആ  ഗന്ധർവ ​യാ​ത്ര​ തുടർന്നുകൊണ്ടേയിരിക്കുന്നു, മലയാളി ഗാന ഗന്ധര്‍വ്വനെ കേട്ടുകൊണ്ടേയിരിക്കുന്നു.