മന്ത്രി വീണ ജോർജ് പത്തനംതിട്ടയിലെ വീട്ടിൽ വിശ്രമത്തിൽ
പരിയാരം മെഡിക്കല് കോളജ് ആശുപത്രി ഡിസ്ചാര്ഡ് ചെയ്ത ആരോഗ്യമന്ത്രി വീണ ജോർജ് പത്തനംതിട്ടയിലെ വീട്ടിലെത്തി. നാല് ദിവസത്തെ പൂര്ണ വിശ്രമം ഡോക്ടഴ്സ് നിര്ദേശിച്ച പശ്ചാത്തലത്തില് മന്ത്രിയുടെ മാര്ച്ച് രണ്ട് വരെയുള്ള ഔദ്യോഗിക പരിപാടികള് മാറ്റിവച്ചു. പരിയാരം മെഡിക്കല് കോളേജ് ആശുപത്രിയില് ചികിത്സയിലായിരുന്ന മന്ത്രിയെ മെഡിക്കല് ബോര്ഡിന്റെ നിര്ദേശാനുസരണം ഡിസ്ചാര്ജ് ചെയ്തിരുന്നു.
തിരുവനന്തപുരം മെഡിക്കല് കോളേജില് നിന്നും ഫോളോ അപ്പ് ചികിത്സ നിര്ദേശിക്കുകയും ചെയ്തിട്ടുണ്ട്. ഡോക്ടര്മാര് നിര്ദേശിച്ച മരുന്നുകള് തുടരുന്നുണ്ടെന്ന് മന്ത്രിയുടെ ഓഫീസ് അറിയിച്ചു.
ഇതിനിടെ, ചികിത്സയിലായിരുന്ന ആരോഗ്യമന്ത്രിക്കൊപ്പം ആരോഗ്യപ്രവര്ത്തകര് സെല്ഫി എടുത്ത സംഭവത്തില്, പരിയാരം മെഡിക്കല് കോളേജിനോട് മന്ത്രിയുടെ ഓഫീസ് വിശദീകരണം തേടി. ?മന്ത്രി ഡിസ്ചാര്ജ് ആകുന്നതിന് തൊട്ടുമുന്പ് ഐ.സി.യുവില് വെച്ചാണ് ഫോട്ടോ എടുത്തത്. മന്ത്രിയുമായുള്ള വ്യക്തിപരമായ അടുപ്പം കാരണം താന് അങ്ങോട്ട് ആവശ്യപ്പെട്ടതനുസരിച്ചാണ് ഫോട്ടോ എടുത്തത് എന്നാണ് ആരോഗ്യപ്രവര്ത്തകയുടെ വിശദീകരണം.
