ശ്രീലങ്കയ്ക്ക് സഹായം: വ്യോമാതിര്ത്തി അനുവദിച്ചില്ലെന്ന പാകിസ്ഥാന്റെ അവകാശവാദം തെറ്റെന്ന് ഇന്ത്യ
ന്യൂഡല്ഹി: ഡിറ്റ് വാ ചുഴലിക്കാറ്റിനെ തുടർന്ന് ദുരിതത്തിലായ ശ്രീലങ്കയ്ക്ക് സഹായം നല്കുന്നതില് ഇന്ത്യൻ വ്യോമാതിർത്തി അടച്ചുവെന്ന പാകിസ്ഥാന്റെ വാദത്തെ രൂക്ഷമായി വിമർശിച്ച് വിദേശകാര്യമന്ത്രാലയം.
അസംബന്ധം എന്നാണ് വിദേശകാര്യ മന്ത്രാലയം വക്താവ് രണ്ധീർ ജയ്സ്വാള് വിശേഷിപ്പിച്ചത്. ഇന്ത്യയ്ക്ക് വിരുദ്ധമായി തെറ്റായ വിവരങ്ങളാണ് പാകിസ്ഥാൻ പ്രചരിപ്പിക്കുന്നതെന്ന് രണ്ധീർ ജയ്സ്വാള് വ്യക്തമാക്കി.
ശ്രീലങ്കയ്ക്ക് സഹായം എത്തിക്കുന്നതിനായുള്ള പാക് വിമാനങ്ങള് ഇന്ത്യൻ വ്യോമാതിർത്തി അനുവദിച്ചിരുന്നതായും രണ്ധീർ ജയ്സ്വാള് പറഞ്ഞു. അതിർത്തി അനുവദിക്കുന്നതിനായുള്ള പാകിസ്ഥാന്റെ അപേക്ഷ, താമസമില്ലാതെ അതേദിവസം തന്നെ നടപ്പിലാക്കിയെന്നും അദ്ദേഹം കൂട്ടിച്ചേർത്തു
