വി എസിന്റെ ജീവിതകഥ 'ഒരു സമര നൂറ്റാണ്ട്' മുഖ്യമന്ത്രി പിണറായി വിജയൻ പ്രകാശനം ചെയ്തു
തിരുവനന്തപുരം: വി എസ് അച്യുതാനന്ദന്റെ ജീവിതകഥ അദ്ദേഹത്തിന്റെ നൂറാം പിറന്നാള് ദിനത്തില് മുഖ്യമന്ത്രി പിണറായി വിജയൻ തിരുവനന്തപുരം അയ്യൻകാളി ഹാളില് പ്രകാശനം ചെയ്തു.
കമ്മ്യൂണിസ്റ്റ് പ്രസ്ഥാനത്തിൻറെ ചരിത്രം മുന്നേറ്റത്തിന്റെ പശ്ചാത്തലത്തില് വിഎസിന്റെ ജീവിതത്തെ അടയാളപ്പെടുത്തുകയാണ് ഈ പുസ്തകമെന്ന് പ്രകാശനച്ചടങ്ങില് മുഖ്യമന്ത്രി പറഞ്ഞു. ഇതുവരെ വന്നിട്ടുള്ള പുസ്തകങ്ങള് അത്തരത്തില് ആയിരുന്നില്ലെന്നും, അവയെല്ലാം വിഎസിനെ ചില പ്രത്യേക തലത്തില് പ്രതിഷ്ഠിച്ചു നോക്കിക്കാണാനാണ് ശ്രമിച്ചതെന്നും മുഖ്യമന്ത്രി വ്യക്തമാക്കി.
എട്ടു ദശാബ്ദകാലം സജീവമായാണ് വി എസ് പൊതുപ്രവര്ത്തനരംഗത്ത് ഉണ്ടായിരുന്നത്. 96-ാം വയസ്സില് അപ്രതീക്ഷിതമായാണ് ചില ശാരീരിക പ്രശ്നങ്ങള് ഉണ്ടായത്. തുടര്ന്ന് ഇപ്പോള് വിശ്രമജീവിതം നയിക്കുന്നു. ഈ പുസ്തകത്തില് കമ്മ്യൂണിസ്റ്റ് പ്രസ്ഥാനത്തിൻറെ ചരിത്ര മുന്നേറ്റത്തിന്റെ പശ്ചാത്തലത്തില് വിഎസിന്റെ ജീവിതത്തെ അടയാളപ്പെടുത്തുകയാണ്, പുസ്തകം പ്രകാശനം ചെയ്തുകൊണ്ട് മുഖ്യമന്ത്രി പറഞ്ഞു.