യു.പിയില്‍ പ്രാര്‍ഥനയോഗത്തിനിടെയുണ്ടായ തിക്കിലും തിരക്കിലും പെട്ട് 25 സ്ത്രീകള്‍ ഉള്‍പ്പടെ 27 പേര്‍ മരിച്ചു
ലഖ്നോ: യു.പിയില്‍ മതപരിപാടിക്കിടെയുണ്ടായ തിക്കിലും തിരക്കിലും പെട്ട് 25 സ്ത്രീകള്‍ ഉള്‍പ്പടെ 27 പേർ മരിച്ചു.
ഭഗവാൻ ശിവന് വേണ്ടിയുള്ള പ്രാർഥന യോഗത്തിനിടെയായിരുന്നു സംഭവം. നിരവധി മൃതദേഹങ്ങള്‍ സമീപത്തെ ആശുപത്രിയില്‍ എത്തിച്ചിട്ടുണ്ട്. ഇതുവരെ 27 മൃതദേഹങ്ങള്‍ ആശുപത്രിയില്‍ എത്തിച്ചു. ഇതില്‍ 25 സ്ത്രീകളും രണ്ട് പുരുഷൻമാരുമാണ് ഉള്ളത്. ചിലർ പരിക്കേറ്റ് ആശുപത്രിയില്‍ ചികിത്സയിലുണ്ടെന്ന് ചീഫ് മെഡിക്കല്‍ ഓഫീസർ അറിയിച്ചു.
സംഭവത്തെ കുറിച്ച്‌ അന്വേഷിക്കാൻ ആഗ്ര എ.ഡി.ജി അലിഗഢ് കമീഷണർ എന്നിവരുടെ നേതൃത്വത്തില്‍ പ്രത്യേക സംഘത്തെ നിയോഗിച്ചിട്ടുണ്ടെന്ന് അധികൃതർ അറിയിച്ചു. പ്രാദേശികതലത്തിലുള്ള ഉദ്യോഗസ്ഥരും എമർജൻസി ടീമും ഇവിടേക്ക് എത്തിയിട്ടുണ്ടെന്നും അധികൃതർ അറിയിച്ചു. എന്നാല്‍, ഇതുസംബന്ധിച്ച്‌ കൂടുതല്‍ വിവരങ്ങള്‍ ലഭ്യമായിട്ടില്ലെന്നും അവർ വ്യക്തമാക്കി.
അതേസമയം, സംഭവത്തില്‍ അനുശോചനവുമായി യു.പി മുഖ്യമന്ത്രി യോഗി ആദിത്യനാഥ് രംഗത്തെത്തി.
