പുഞ്ചിരി : കവിത, റോയ് പഞ്ഞിക്കാരൻ
വെറുതെ ചുറ്റി നടക്കുമ്പോൾ
എൻ കണ്ണുകൾ ആരുടെയൊക്കെയോ
മുഖത്ത് പതീയും,
വിലയുള്ള പുഞ്ചിരി കാണുവാൻ .
ഞാനൊന്നു അവരെ നോക്കി പുഞ്ചിരിച്ചാൽ
'ഇവൻ ആരടെ' എന്ന ഭാവം.
ചുണ്ടുകൾ കൂട്ടിപ്പിടിച്ചു
കണ്ണുകൾ നേർ രേഖയിലാക്കി
അന്യരെ നോക്കി പുഞ്ചിരിക്കുന്നത്
പാപമാണെന്ന ഭാവത്തോടെ നടന്നകലുന്നു .
മൃഗങ്ങൾ പുഞ്ചിരിക്കില്ലല്ലോ
എന്നോർത്ത് ഞാൻ എന്നെ നോക്കിയൊന്നൂടി പുഞ്ചിരിക്കും
