പ്രതിഷേധക്കാരെ മര്ദിച്ച മുഖ്യമന്ത്രിയുടെ ഗണ്‍മാനെതിരെ കേസ്
ആലപ്പുഴ: നവകേരള സദസിനെതിരെ പ്രതിഷേധിച്ചവരെ മര്ദിച്ച മുഖ്യമന്ത്രിയുടെ ഗണ്‍മാനെതിരെ കേസ്. തിരുവനന്തപുരം കല്ലിയൂര്‍ കാര്‍ത്തികയില്‍ അനില്‍ കുമാറിനെതിരെയാണ് കേസ്. എസ്കോര്‍ട്ട് ഉദ്യോഗസ്ഥൻ പൊറ്റക്കുഴിയില്‍ എസ്. സന്ദീപിനെതിരെയും എഫ്‌ഐആര്‍ ഉണ്ട്. ആലപ്പുഴ കോടതിയുടെ നിര്‍ദേശത്തെ തുടര്‍ന്നാണ് നടപടി. മുഖ്യമന്ത്രിയുടെ അകമ്ബടി വാഹനത്തില്‍ നിന്നും ഇറങ്ങിവന്ന് മര്‍ദിച്ചെന്നാണ് എഫ്‌ഐആര്‍.
പ്രതിഷേധക്കാരെ അസഭ്യം പറഞ്ഞു. ലാത്തികൊണ്ട് അടിച്ചു എന്നും എഫ്‌ഐആറില്‍ പറയുന്നു. മുഖ്യമന്ത്രിയുടെ ഗണ്‍മാൻ പ്രതിഷേധക്കാരെ മര്ദിച്ച സംഭവത്തില്‍ യൂത്ത് കോണ്‍ഗ്രസ് - കെഎസ്‌യു നേതാക്കളുടെ പരാതി കോടതി ഫയലില്‍ സ്വീകരിച്ചിരുന്നു.
എഫ്‌ഐആര്‍ രജിസ്റ്റര്‍ ചെയ്ത് അന്വേഷണം നടത്താൻ ആലപ്പുഴ സൗത്ത് പോലീസിന് കോടതി നിര്‍ദേശം നല്‍കുകയും ചെയ്തിരുന്നു.
