ഈ പിളർത്തൽ രാഷ്ട്രീയ കുതിര കച്ചവടത്തിന്റെ നാണംകെട്ട മറ്റൊരദ്ധ്യായം

ആം ആദ്മി പാർട്ടിയുടെ പ്രമുഖ നേതാവും രാജ്യസഭാ എംപിയുമായ രാഘവ് ഛദ്ദയും  മറ്റ് 6 എംപിമാരും  പാർട്ടി വിട്ട് ബിജെപിയിൽ ചേർന്നു.  അരവിന്ദ് കെജ്‌രിവാളിനും എഎപിക്കും ദേശീയ തലത്തിൽ വലിയ ആഘാതമുണ്ടാക്കുന്നതായി ഈ നീക്കം.

രാഷ്ട്രീയ കുതിരക്കച്ചവടത്തിലൂടെ ഏതു വിധേനയും  അധികാരം  നിലനിർത്തുകയാണ് ബിജെപിയുടെ എക്കാലത്തെയും നയം.  അതിന് വേണ്ടി ചെയ്യുന്നതൊന്നും അധാർമികമല്ലെന്നതാണ്  പാർട്ടിയുടെ പക്ഷം. പഞ്ചാബിൽ ആം ആദ്മി പാർട്ടിയുടെ രാഷ്ട്രീയ അടിത്തറ ഇളക്കിക്കൊണ്ട് രാഘവ് ഛദ്ദയുടെ നേതൃത്വത്തിൽ നടന്ന കൂടുമാറ്റം ജ​​​നാ​​​ധി​​​പ​​​ത്യ അ​​​ട്ടി​​​മ​​​റി​​​യു​​​ടെ​​​ തിരക്കഥയാണ് വെളിപ്പെടുത്തുന്നത്. വരുന്ന ഫെബ്രുവരിയിൽ പഞ്ചാബിൽ നിയമസഭാ തിരഞ്ഞെടുപ്പ് നടക്കാനിരിക്കെ കനത്ത പ്രഹരമാണ് രാഘവ് ഛദ്ദയുടെ നേതൃത്വത്തിൽ ഏഴ് ആം ആദ്മി പാർട്ടി രാജ്യസഭാംഗങ്ങളുടെ ബി ജെ പിയിലേക്കുള്ള കൂടുമാറ്റം.

 രാഘവ് ഛദ്ദ​​​യെയും കൂ​​​ട്ട​​​രെയും ബി​​​ജെ​​​പി വാ​​​ങ്ങി​​​യ​​​താ​​​ണോ അവർ  സ്വ​​​യം വി​​​റ്റ​​​താ​​​ണോ എ​​​ന്ന​​​റിയില്ല, എന്തായാലും ഇവിടെ ജ​​​നം ച​​​തി​​​ക്ക​​​പ്പെ​​​ട്ടിരിക്കുന്നു . മൂ​​​ന്നി​​​ൽ ര​​​ണ്ട് ഭൂ​​​രി​​​പ​​​ക്ഷ​​​മു​​​ള്ള​​​തി​​​നാ​​​ൽ കൂ​​​റു​​​മാ​​​റ്റ​​​നിരോധന പ​​​രി​​​ധി​​​യി​​​ൽ വ​​​രി​​​ല്ല. നിയമത്തിന്റെ കണ്ണിൽ ഇത് സാധുവാണെങ്കിലും ജനങ്ങളുടെ കണ്ണിൽ ഇത് വഞ്ചനയാണ്.

അഴിമതി വിരുദ്ധ പോരാട്ടത്തിലൂടെ അധികാരത്തിലെത്തിയ ഒരു പാർട്ടിയുടെ ഉന്നത നേതാക്കൾ തന്നെ പദവികൾ ഉപേക്ഷിച്ച് ബിജെപിയിൽ ചേരുന്നത് ഇന്ത്യൻ രാഷ്ട്രീയത്തിൽ  ആശയങ്ങളേക്കാൾ അധികാരത്തിന് പ്രാധാന്യം ലഭിക്കുന്ന കാഴ്ചയ്ക്കാണ്  സാക്ഷ്യം വഹിക്കുന്നതെന്ന്  വിലയിരുത്തപ്പെടുന്നു.

2047ൽ പ്രതിപക്ഷമുക്ത ഇന്ത്യ ലക്ഷ്യമിടുന്ന ബിജെപി രാഷ്ട്രീയ കളികൾക്കായി കേന്ദ്ര ഏജൻസികളെ തരാതരംപോലെ ഉപയോഗിക്കുന്നു. ഇഡി ഉൾപ്പെടെയുള്ള കേന്ദ്ര ഏജൻസികളെ ഉപയോഗിച്ച് ഭീഷണിപ്പെടുത്തിയും സമ്മർദത്തിലാഴ്‌ത്തിയും കേന്ദ്രമന്ത്രി പദവി വാഗ്‌ദാനം ചെയ്ത് പ്രലോഭിപ്പിച്ചുമാണ്, 2022ൽ പഞ്ചാബിൽ എഎപിയെ അധികാരത്തിലെത്തിക്കുന്നതിൽ മുഖ്യപങ്കുവഹിച്ച രാഘവ് ഛദ്ദയെത്തന്നെ  ബിജെപി സ്വന്തമാക്കിയത്.  ഇ ഡി, സി ബി ഐ കേസുകളിൽ അന്വേഷണം നേരിടുന്ന എം പിമാരുമുണ്ട് മറുകണ്ടം ചാടിയവരിലെന്നത് ശ്രദ്ധേയമാണ്. കേന്ദ്ര ഏജൻസികൾ വേട്ടയാടുന്ന രാഷ്ട്രീയ നേതാക്കൾക്ക് രക്ഷപ്പെടാനുള്ള മാർഗമാണ് ബി ജെ പിയിലേക്കുള്ള കൂടുമാറ്റം. അതോടെ കേസന്വേഷണം മന്ദഗതിയിലാകുകയോ, കേസ് മരവിപ്പിക്കുകയോ ചെയ്യുകയാണ് രീതി. 2014നുശേഷം ഏജൻസി വേട്ടക്ക് വിധേയരായതിൽപ്പിന്നെ ബി.ജെ.പിയിൽ ചേർന്ന 25 പ്രമുഖ പ്രതിപക്ഷ നേതാക്കളിൽ 23 പേരുടെ കാര്യത്തിലും അന്വേഷണം നിലച്ചതായാണ് കണ്ടെത്തൽ.

18 എം​​​പി​​​മാ​​​രെ​​​ക്കൂ​​​ടി വാ​​​ങ്ങി​​​യാ​​​ൽ രാ​​​ജ്യ​​​സ​​​ഭ​​​യി​​​ൽ ബി​​​ജെ​​​പി​​​ക്കു ഭ​​​ര​​​ണ​​​ഘ​​​ട​​​നാ​​​ ഭേ​​​ദ​​​ഗ​​​തി​​​ക്ക് ആ​​​വ​​​ശ്യ​​​മാ​​​യ മൂ​​​ന്നി​​​ൽ ര​​​ണ്ടു ഭൂ​​​രി​​​പ​​​ക്ഷ​​​മാ​​​കും. പ​​​ഞ്ചാ​​​ബി​​​ൽ​​​നി​​​ന്ന് രാ​​​ജ്യ​​​സ​​​ഭ​​​യി​​​ൽ ഒ​​​രം​​​ഗം പോ​​​ലു​​​മി​​​ല്ലാ​​​ത്ത ബി​​​ജെ​​​പി​​​ക്കാ​​​ണ് ഒ​​​റ്റ​​​ക്ക​​​ച്ച​​​വ​​​ട​​​ത്തി​​​ൽ ആ​​​റു​​​പേ​​​രെ കി​​​ട്ടി​​​യ​​​ത്. 117 അം​​​ഗ നി​​​യ​​​മ​​​സ​​​ഭ​​​യി​​​ൽ വെ​​​റും ര​​​ണ്ട് എം​​​എ​​​ൽ​​​എ​​​മാ​​​രാ​​​ണു ബി​​​ജെ​​​പി​​​ക്കു​​​ള്ള​​​ത്.

ബി​​​ജെ​​​പി അ​​​ധി​​​കാ​​​ര​​​ത്തി​​​ലെ​​​ത്തിയതിന് പിന്നാലെ സം​​​സ്ഥാ​​​ന​​​ങ്ങ​​​ളി​​​ൽ ആ​​​രം​​​ഭി​​​ച്ച കു​​​തി​​​ര​​​ക്ക​​​ച്ച​​​വ​​​ട​​​ത്തി​​​ന്‍റെ തു​​​ട​​​ർ​​​ച്ച​​​യാ​​​ണ് പഞ്ചാബിൽ നടന്നതും.. 2016ൽ ​​​അ​​​രു​​​ണാ​​​ച​​​ൽ പ്ര​​​ദേ​​​ശ്, 2017ൽ ​​​ബി​​​ഹാ​​​ർ, മ​​​ണി​​​പ്പു​​​ർ, ഗോ​​​വ, 2019ൽ ​​​ക​​​ർ​​​ണാ​​​ട​​​ക, 2020ൽ ​​​മ​​​ധ്യ​​​പ്ര​​​ദേ​​​ശ് എ​​​ന്നി​​​ങ്ങ​​​നെ​​​യാ​​​യി​​​രു​​​ന്നു ബി​​​ജെ​​​പി​​​ അ​​​ധി​​​കാ​​​രം പി​​​ടി​​​ച്ച​​​ത്.

അധികാരത്തിൽ മാത്രമാണ്  ബിജെപിയുടെ കണ്ണ് . എങ്ങനെയും അധികാരം നേടി ഹിന്ദുത്വ അജൻഡ നടപ്പാക്കലാണ്   ലക്ഷ്യം.  രാഷ്ട്രീയ ധാർമികത നമ്മുടെ രാജ്യത്തിന് നഷ്ടമായിരിക്കുന്നതിൽ വിലപിക്കുക മാത്രമേ വഴിയുള്ളു.