അര്ജുന് ആയങ്കി ഒളിവില് പോകാന് ഉപയോഗിച്ച കാര് കസ്റ്റഡിയില്
കണ്ണൂര്: ഒളിവില് കഴിയുന്ന അര്ജുന് ആയങ്കി ഉപയോഗിച്ച കാര് വളപട്ടണം പോലീസ് കസ്റ്റഡിയിലെടുത്തു. കണ്ണൂര് പനങ്കാവില് ഉപേക്ഷിച്ച നിലയിലാണ് വാഹനം കണ്ടെത്തിയത്. അഞ്ചാം തീയതി രാവിലെ 11.08ന് എടപ്പാളിലെ ആയുര്ഗ്രീന് റീഹാബിലിറ്റേഷന് സെന്ററില് എത്തിയ അര്ജുന് ആയങ്കി 11.55ഓടെയാണ് അവിടെ നിന്ന് മടങ്ങിയത്. അര്ജുനൊപ്പം ഉണ്ടായിരുന്ന നാല് പേരെ പോലീസ് കസ്റ്റഡിയിലെടുത്ത് ചോദ്യം ചെയ്തെങ്കിലും ഇയാളെക്കുറിച്ച് വിവരങ്ങളൊന്നും ലഭിച്ചില്ല.
പോലീസ് വ്യാപകമായി തിരച്ചില് നടത്തുന്നതിനിടയിലും അര്ജുന് ആയങ്കിയുടെ സമൂഹമാധ്യമ അക്കൗണ്ടുകള് സജീവമാണ്. അന്വേഷണ ഉദ്യോഗസ്ഥനെ ഭീഷണിപ്പെടുത്തുകയും പോലീസിനെ വെല്ലുവിളിക്കുകയും ചെയ്ത ഇയാളെ ഇതുവരെ പിടികൂടാന് കഴിഞ്ഞിട്ടില്ല.
അര്ജുനുമായി അടുപ്പമുള്ള 21 പേരെ വിവിധ സ്ഥലങ്ങളില് നിന്ന് കസ്റ്റഡിയിലെടുത്ത് പോലീസ് ചോദ്യം ചെയ്യുകയാണ്.
അതേസമയം, അര്ജുന് ആയങ്കിക്കെതിരെ രൂക്ഷ വിമര്ശനവുമായി സിപിഐഎം നേതാവ് എം.വി. ജയരാജന് രംഗത്തെത്തി. അര്ജുന് ആയങ്കിയെ തൂഫാന് പോലെ തൂക്കണമെന്നും, തൂക്കിക്കൊല്ലുകയല്ല വേണ്ടതെന്നും ജയരാജന് പറഞ്ഞു. അര്ജുന് ആയങ്കിയുമായി സിപിഐഎമ്മിന് യാതൊരു ബന്ധവുമില്ലെന്നും അദ്ദേഹം വ്യക്തമാക്കി.
