.jpg?#)
അർജുൻ ആയങ്കിയെയും സംഘത്തെയും റിസോർട്ടിൽനിന്ന് കസ്റ്റഡിയിലെടുത്ത് പോലീസ്
എറണാകുളം: സ്വർണ്ണക്കടത്ത് ഉൾപ്പെടെയുള്ള നിരവധി ക്രിമിനൽ കേസുകളിൽ പ്രതിയായ അർജുൻ ആയങ്കിയെയും സുഹൃത്തുക്കളെയും കോതമംഗലം പോലീസ് കസ്റ്റഡിയിലെടുത്തു. സുഹൃത്തിന്റെ വിവാഹത്തിൽ പങ്കെടുക്കാനായി പുന്നേക്കാടുള്ള റിസോർട്ടിൽ എത്തിയപ്പോഴാണ് അർജുൻ ആയങ്കിയും സംഘവും പോലീസിന്റെ പിടിയിലായത്. അർജുൻ ആയങ്കിക്കൊപ്പം കസ്റ്റഡിയിലായവരിൽ കുപ്രസിദ്ധ ഗുണ്ടാതലവൻ മരട് അനീഷിന്റെ അടുത്ത കൂട്ടാളികളും ഉൾപ്പെട്ടിട്ടുണ്ടെന്നത് സംഭവത്തിന്റെ ഗൗരവം വർദ്ധിപ്പിക്കുന്നു.
അർജുൻ ആയങ്കിയും സംഘവും എന്തിനാണ് കോതമംഗലം പോലീസ് സ്റ്റേഷൻ പരിധിയിൽ എത്തിയതെന്നതിനെക്കുറിച്ച് വിശദമായ അന്വേഷണം നടത്തുമെന്ന് പോലീസ് അറിയിച്ചു. ക്രമസമാധാന പ്രശ്നങ്ങൾ ഒഴിവാക്കുന്നതിന്റെ ഭാഗമായുള്ള കരുതൽ തടങ്കലാണിതെന്നാണ് പ്രാഥമിക വിവരം.
മുൻപ് ഡിവൈഎഫ്ഐ അഴിക്കോട് കപ്പക്കടവ് യൂണിറ്റ് സെക്രട്ടറിയായിരുന്ന അർജുൻ ആയങ്കിയെ ലഹരിക്കടത്ത് സംഘങ്ങളുമായുള്ള ബന്ധത്തെത്തുടർന്ന് സംഘടന പുറത്താക്കിയിരുന്നു. പിന്നീട് സോഷ്യൽ മീഡിയ വഴി പാർട്ടി അനുഭാവിയായി നടിച്ച് സ്വർണ്ണക്കടത്ത് ക്വട്ടേഷൻ പ്രവർത്തനങ്ങളിൽ ഇയാൾ സജീവമാകുകയായിരുന്നു.1
