'ഡിറ്റ് വാ’ ചുഴലിക്കാറ്റ്: ശ്രീലങ്കയിൽ മരണസംഖ്യ 100 കടന്നു
കൊളംബോ: ഡിറ്റ് വാ ചുഴലിക്കാറ്റും കനത്ത മഴയും ആഞ്ഞടിച്ചതോടെ ശ്രീലങ്കയിൽ മരണസംഖ്യ ഉയരുന്നു. ശക്തമായ കാറ്റിനൊപ്പം തുടർച്ചയായ മഴയും രൂക്ഷമായതോടെ ശ്രീലങ്കയിൽ ഏകദേശം 100 പേർക്ക് ജീവൻ നഷ്ടമാകുകയും നിരവധിയാളുകളെ കാണാതാവുകയും ചെയ്തു.
ഡിറ്റ് വാ ചുഴലിക്കാറ്റ് വടക്കും വടക്കുപടിഞ്ഞാറുമായി തമിഴ്‌നാട് തീരത്തേക്ക് നീങ്ങുകയാണ്. ചില വിമാന ഷെഡ്യൂളുകൾ തടസ്സപ്പെട്ടതായി വ്യോമയാന അധികൃതർ പറഞ്ഞു. കൊളംബോ വിമാനത്താവളത്തിൻ്റെ പ്രവർത്തനം താറുമാറായ അവസ്ഥയിലാണ്.
