ദിഷ പഠാണിയുടെ വീടിന് പുറത്ത് വെടിവെപ്പ്

നടി ദിഷ പഠാണിയുടെ  ബറേലിയിലെ സിവില്‍ ലൈനിലുള്ള വീടിന് പുറത്ത് ഇന്നലെ രാത്രി വെടിവെപ്പ് നടന്നതായി പോലീസ് അറിയിച്ചു. ഹിന്ദുമത സന്യാസിമാരായ പ്രേമാനന്ദ് മഹാരാജിനെയും അനിരുദ്ധാചാര്യ മഹാരാജിനെയും അപമാനിച്ചെന്ന് ആരോപിച്ചാണ് വെടിവെപ്പ് നടത്തിയത്. ആക്രമണത്തിന്റെ ഉത്തരവാദിത്തം ഗോൾഡി ബ്രാർ ഏറ്റെടുത്തു.

വെടിവെപ്പിനിടെ നിരവധി തവണ വെടിയുതിർത്തതായി അധികൃതർ പറഞ്ഞു. പുലർച്ചെ 4:30 ഓടെയാണ് ആകാശത്തേക്ക് വെടിവെപ്പ് നടന്നത്. സംഭവത്തിൽ ആർക്കും പരിക്കേറ്റിട്ടില്ല.

സാമൂഹിക മാധ്യമങ്ങളിലൂടെ ആക്രമണത്തിൻ്റെ ഉത്തരവാദിത്തം ഏറ്റെടുത്ത് ഒരു പോസ്റ്റ് വന്നിട്ടുണ്ട്. സംഭവത്തെക്കുറിച്ച് പോലീസ് അന്വേഷണം ആരംഭിച്ചു. ഹിന്ദിയിലുള്ള ഈ പോസ്റ്റിൽ വീരേന്ദ്ര ചരൺ, മഹേന്ദ്ര സരൺ എന്നീ രണ്ട് വ്യക്തികളുടെ പേര് പറയുന്നുണ്ട്. കൂടാതെ സിനിമാ ലോകത്തിന് മുന്നറിയിപ്പും നൽകുന്നുണ്ട്.