പോലീസ് കള്ളക്കഥ മെനഞ്ഞു: ഗൂഢാലോചന നടന്നത് എനിക്കെതിരെ; ദിലീപ്
കൊച്ചി: പോലീസ് തനിക്കെതിരെ കള്ളക്കഥ മെനയുകയായിരുന്നെന്ന് നടിയെ ആക്രമിച്ച കേസിൽ കുറ്റവിമുക്തനാക്കപ്പെട്ടതിന് പിന്നാലെ ദിലീപ്. ഗൂഢാലോചന നടന്നത് തനിക്കെതിരെയാണ്. തൻ്റെ കരിയറും ഇമേജും തകർക്കാനായിരുന്നു ഗൂഢാലോചന. തനിക്കെതിരെ പോലീസ് മെനഞ്ഞ കള്ളക്കഥ കോടതിയിൽ പൊളിഞ്ഞെന്ന് ദിലീപ് മാധ്യമപ്രവർത്തകരോട് പറഞ്ഞു.
'സര്വശക്തനായ ദൈവത്തിന് നന്ദി', എന്ന് പറഞ്ഞാണ് ദിലീപ് പ്രതികരണം ആരംഭിച്ചത്. ക്രിമിനല് ഗൂഢാലോചനയുണ്ടെന്നും അത് അന്വേഷിക്കണമെന്നും മഞ്ജു പറഞ്ഞിടത്തു നിന്നാണ് എനിക്കെതിരേയുള്ള ഗൂഢാലോചന ആരംഭിച്ചത്. അതിന് അന്നത്തെ ഉയര്ന്ന മേലുദ്യോഗസ്ഥയും അവര് തിരഞ്ഞെടുത്ത ഒരുസംഘം ക്രിമിനല് പോലീസുകാരുമാണ് കേസുണ്ടാക്കിയത്. അതിനായി കേസിലെ മുഖ്യപ്രതിയേയും കൂട്ടുപ്രതികളേയും കൂട്ടുപിടിച്ച് കള്ളക്കഥ മെനഞ്ഞെു.
പോലീസ് സംഘം ചില മാധ്യമങ്ങളേയും അവര്ക്ക് ഒത്താശചെയ്യുന്ന മാധ്യമപ്രവര്ത്തകരേയും കൂട്ടുപിടിച്ച് കള്ളക്കഥ സാമൂഹികമാധ്യമങ്ങിലൂടെ പ്രചരിപ്പിക്കുകയായിരുന്നെന്നും ദിലീപ് ആരോപിച്ചു.
