പ്രധാനമന്ത്രി ഏഴ് വർഷത്തിന് ശേഷം ചൈനയില്‍
ഏഴ് വർഷത്തിന് ശേഷം പ്രധാനമന്ത്രി നരേന്ദ്രമോദി ചൈനയിലെത്തി. ഷാങ്ഹായി സഹകരണഉച്ചകോടിയിൽ മോദി പങ്കെടുക്കും. ചൈനീസ് പ്രസിഡന്റ് ഷി ചിൻപിങ്ങുമായി മോദി ചർച്ച നടത്തും. റഷ്യൻ പ്രസിഡന്റ് വ്ലാദിമീർ പുടിനും ഉച്ചകോടിയിൽ പങ്കെടുക്കുന്നുണ്ട്. അമേരിക്കയുടെ തീരുവ യുദ്ധത്തിനിടെ ഇന്ത്യയുടെയും റഷ്യയുടെയും ചൈനയുടെയും ഭരണാധികാരികൾ തമ്മിലുള്ള കൂടിക്കാഴ്ചക്ക് വലിയ നയതന്ത്ര പ്രാധാന്യമുണ്ട്.
ജപ്പാൻ സന്ദർശനത്തിന് ശേഷമാണ് മോദി ചൈനയിലെത്തുന്നത്. വിമാനത്താവളത്തിൽ വൻവരവേൽപാണ് ഇന്ത്യയുടെ പ്രധാനമന്ത്രിക്ക് കിട്ടിയത്.
