ട്രെഡ്മില്ലിൽ നിന്ന് വീണ് രാജീവ് ചന്ദ്രശേഖറിന് പരിക്ക്
സംസ്ഥാന ബിജെപി അധ്യക്ഷൻ രാജീവ് ചന്ദ്രശേഖറിന് ഞായറാഴ്ച ട്രെഡ്മില്ലിൽ നിന്ന് വീണ് പരിക്കേറ്റു. പരിക്കേറ്റതിൻ്റെ ചിത്രങ്ങൾ അദ്ദേഹം തന്നെ ഫേസ്ബുക്കിൽ പങ്കുവെക്കുകയും സംഭവം തമാശയായി വിവരിക്കുകയും ചെയ്തു. ഓടുന്നതിനിടെ ഫോൺ എടുക്കാൻ ശ്രമിക്കുന്നതിനിടെ ട്രെഡ്മില്ലിൽ നിന്ന് വീണാണ് അദ്ദേഹത്തിന് പരിക്കേറ്റത്.
ട്രെഡ്മില്ലിൽ നിന്ന് വീണ് മുഖത്തും തലയിലുമുണ്ടായ ചതവുകളുടെ ചിത്രങ്ങൾ സഹിതം എക്‌സിലെ (X) സോഷ്യൽ മീഡിയ പോസ്റ്റിലൂടെ ചന്ദ്രശേഖർ തന്നെയാണ് സംഭവം വെളിപ്പെടുത്തിയത്. അദ്ദേഹം തമാശ കലർന്ന രൂപത്തിലാണ് ഈ സംഭവം പങ്കുവെച്ചത്. പരിക്ക് ഗുരുതരമല്ല.
