മേയര് ആര്യ രാജേന്ദ്രന്റെ സ്വകാര്യ വാഹനത്തിന് സൈഡ് നല്കിയില്ല; കെ.എസ്.ആര്.ടി.സി ഡ്രൈവര്ക്കെതിരെ കേസ്
തിരുവനന്തപുരം: മേയർ ആര്യ രാജേന്ദ്രൻ സഞ്ചരിച്ച സ്വകാര്യ വാഹനത്തിന് സൈഡ് നല്കാതിരുന്ന കെ.എസ്.ആർ.ടി.സി ഡ്രൈവർക്കെതിരെ കേസ്.
ശനിയാഴ്ച രാത്രി പത്തരയോടെ തിരുവനന്തപുരം പാളയത്ത് വെച്ചാണ് സംഭവമുണ്ടാകുന്നത്. പട്ടം മുതല് ബസും കാറും തമ്മില് ചില പ്രശ്നങ്ങള് ഉണ്ടായിരുന്നു.ബസ് നിർത്തിയിട്ട സമയത്ത് മേയറുടെ വാഹനം കുറുകെ നിർത്തുകയും എന്താണ് സൈഡ് തരാത്തതെന്ന് ചോദിക്കുകയും ചെയ്തു. മേയറിനൊപ്പം സഹോദരനും ഭർത്താവ് സച്ചിൻ ദേവ് എം എൽ എ യും കാറില് ഉണ്ടായിരുന്നു .
തന്നോട് മോശമായി പെരുമാറിയെന്നാണ് ആര്യ രാജേന്ദ്രന്റെ പരാതിയുള്ളത്. ഇന്നലെ രാത്രി തന്നെ പൊലീസ് എത്തി ഡ്രൈവറെ കസ്റ്റഡിയിലെടുത്ത് കന്റോണ്മെന്റ് സ്റ്റേഷനില് എത്തിച്ചിരുന്നു. ഇന്ന് രാവിലെയാണ് ഡ്രൈവറിന് ജാമ്യം ലഭിച്ചത്.