കെഎസ്ആർടിസി ഡ്രൈവറെ തടഞ്ഞ കേസ്; മേയർ ആര്യ രാജേന്ദ്രനെയും ഭർത്താവിനെയും ഒഴിവാക്കി പൊലീസിന്റെ കുറ്റപത്രം
തിരുവനന്തപുരം: കെഎസ്ആർടിസി ഡ്രൈവർ യദുവിനെ തടഞ്ഞ കേസിൽ നിന്ന് മേയർ ആര്യ രാജേന്ദ്രനെയും ഭർത്താവ് സച്ചിൻ ദേവ് എംഎൽഎയേയും കുറ്റപത്രത്തിൽ നിന്നും ഒഴിവാക്കി. മേയറുടെ സഹോദരൻ അരവിന്ദ് മാത്രമാണ് കേസിൽ പ്രതി. മേയറും എംഎൽഎയും ഔദ്യോഗിക കൃത്യനിർവ്വഹണം തടസ്സപ്പെടുത്തുകയോ അസഭ്യം പറയുകയോ ചെയ്തിട്ടില്ല.
അതേസമയം, കെഎസ്ആര്ടിസി ഡ്രൈവര് യദുവിനെതിരെ കുറ്റപത്രം ഉടന് സമര്പ്പിക്കും. മേയര് നല്കിയ പരാതിയിലെടുത്ത കേസിലാണ് യദുവിനെതിരെ കുറ്റപത്രം നല്കുക. മേയറേയും മറ്റുള്ളവരെയും അശ്ലീല ആംഗ്യം കാണിച്ചുവെന്നതില് മ്യൂസിയം പോലീസാണ് കുറ്റപത്രം നല്കുന്നത്.
2024 ഏപ്രില് 27ന് രാത്രി 10 മണിക്കാണ് പാളയം സാഫല്യം കോംപ്ലക്സിന് മുന്നില് വച്ച് മേയര് ആര്യ രാജേന്ദ്രനും ഭര്ത്താവും അടക്കമുളളവര് സഞ്ചരിച്ചിരുന്ന സ്വകാര്യ വാഹനം കെഎസ്ആര്ടിസി ബസ് തടഞ്ഞ് ഡ്രൈവറുമായി വാക്കു തര്ക്കമുണ്ടായത്.
അതേസമയം, മേയറെ വീണ്ടും പ്രതി ചേർക്കണം എന്ന് ആവശ്യപ്പെട്ട് യദു കോടതിയിൽ വീണ്ടും ഹർജി നൽകി.
