കാറും ലോറിയും കൂട്ടിയിടിച്ച് അഞ്ചു പേര് മരിച്ചു
കണ്ണൂർ: പുന്നച്ചേരിയില് കാറും ഗ്യാസ് സിലിണ്ടറുകളുമായി വന്ന ലോറിയും കൂട്ടിയിടിച്ച് ഡ്രൈവര് അടക്കം അഞ്ചു പേരും മരിച്ചു.
പിന്നിലുണ്ടായിരുന്ന ലോറി ഇടിച്ചപ്പോള് നിയന്ത്രണം വിട്ട കാര് എതിരെ വന്ന ലോറിയില് ഇടിക്കുകയായിരുന്നു. വാതിലുകള് വെട്ടിപ്പൊളിച്ചാണ് കാറില് ഉണ്ടായിരുന്നവരെ പുറത്തെടുത്തത്. ബോണറ്റ് ഉള്പ്പെടെ ലോറിക്ക് അടിയിലേക്കു കയറിയ നിലയിലായിരുന്നു.
സമീപത്തെ ടർഫില് കളിക്കുന്നവരും നാട്ടുകാരും ചേർന്നാണു രക്ഷാപ്രവർത്തനം നടത്തിയത്