മലപ്പുറം കോട്ടക്കുന്നിലെ 'ഫുഡ് സ്ട്രീറ്റ്'; തട്ടുകടകൾ ഇനി ഉന്നത നിലവാരത്തിൽ

സംസ്ഥാനത്ത് നാല് നഗരങ്ങളിൽ സജ്ജമാക്കുന്ന ഫുഡ് സ്ട്രീറ്റുകളിലൊന്ന് മലപ്പുറം കോട്ടക്കുന്നിൽ തയ്യാറായി.

നാളെ (ഫെബ്രുവരി 14) ഇത് തുറന്ന് പ്രവർത്തിക്കും.

വഴിയോര ഭക്ഷണശാലകളിൽ നിന്ന് പൊതുജനങ്ങൾക്ക് ഗുണനിലവാരമുള്ള ഭക്ഷണം ഉറപ്പാക്കും എന്ന ലക്ഷ്യത്തോടെയാണ് ഫുഡ് സ്ട്രീറ്റ് സർക്കാർ തന്നെ മുൻകൈയെടുത്ത് നടപ്പാക്കുന്നത് എന്ന് സമയം മലയാളം റിപ്പോർട്ട് ചെയ്യുന്നു.  

സംസ്ഥാനത്ത് നാല് ആധുനിക ഫുഡ് സ്ട്രീറ്റുകളാണ് സ്ഥാപിക്കുന്നത്. ഇതിൽ ആദ്യത്തേത് എറണാകുളത്ത് സ്ഥാപിച്ചിരുന്നു. തിരുവനന്തപുരം, മലപ്പുറം, കോഴിക്കോട് എന്നീ നഗരങ്ങളിലും ഫുഡ് സ്ട്രീറ്റുകൾ തുറക്കുമെന്ന് നേരത്തെ പ്രഖ്യാപിച്ചിരുന്നു.

കോട്ടക്കുന്നില്‍ സജ്ജമാക്കിയിരിക്കുന്നത് 1 കോടിയുടെ ഫുഡ് സ്ട്രീറ്റാണ്.

മലപ്പുറം ജില്ലയില്‍ 20.55 കോടി രൂപയുടെ വിവിധ പദ്ധതികളുടെ ഉദ്ഘാടനം ഫെബ്രുവരി 14 ന് ആരോഗ്യവകുപ്പ് മന്ത്രി വീണാ ജോര്‍ജ് നിര്‍വഹിക്കും.