ഷീ ജിൻപിങ് ശക്തനും ഊർജസ്വലനും ആരോഗ്യവാനുമെന്ന് ട്രംപ്; ഭാര്യ സുന്ദരി
അമേരിക്കയിൽ ഔദ്യോഗിക സന്ദർശനത്തിനെത്തിയ ചൈനീസ് പ്രസിഡന്റ് ഷീ ജിൻപിങ്ങിനെ വിമാനത്താവളത്തിൽ വെച്ച് കണ്ടതിന് ശേഷം, അദ്ദേഹത്തെ പ്രശംസിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ്.
'ഞാൻ ഇന്നലെ വിമാനത്തിന് അരികിൽ വെച്ച് (എയർപോർട്ട്!) ഷീ ജിൻപിങ്ങിനെ കണ്ടു, അദ്ദേഹം വളരെ ശക്തനും ഊർജ്ജസ്വലനും ആരോഗ്യവാനുമായി കാണപ്പെടുന്നു' എന്ന് അദ്ദേഹം സോഷ്യൽ മീഡിയയിൽ കുറിച്ചു.ഷീ പണ്ടത്തേക്കാളും മികച്ച രീതിയിലാണുള്ളത് എന്നാണ് ട്രംപ് തന്റെ പോസ്റ്റിൽ എഴുതിയത്. ഷീ ജിൻപിങ്ങിന്റെ ഭാര്യ പെങ് ലിയുനെ 'സുന്ദരി'യെന്നും അദ്ദേഹം വിശേഷിപ്പിച്ചു.
ബുധനാഴ്ച ജോയിന്റ് ബേസ് ആൻഡ്രൂസിൽ വെച്ച് ട്രംപും പത്നിയും ചേർന്ന് ഷീ ജിൻപിങ്ങിനെയും പെങ് ലിയുവിനെയും നേരിട്ട് സ്വീകരിച്ചു. വളരെ അപൂർവ്വമായി മാത്രം കണ്ടുവരുന്ന രീതിയിലുള്ള വിമാനത്താവള സ്വീകരണമായിരുന്നു ഇത്. ട്രംപിന്റെ പ്രത്യേക ക്ഷണപ്രകാരമാണ് ഷീ ജിൻപിങ് വാഷിംഗ്ടണിൽ ഔദ്യോഗിക സന്ദർശനത്തിനെത്തിയത്.ചുവപ്പ് പരവതാനി വിരിച്ച് ഗാർഡ് ഓഫ് ഓണറും സൈനിക സംഗീതവും നൽകിയായിരുന്നു സ്വീകരണം
