തമിഴ് താരം പ്രേംജി അമരന് വിവാഹിതനാവുന്നു; വധു യുവഗായിക വിനൈത
നടനും ഗായകനും സംഗീത സംവിധായകനും പാട്ടെഴുത്തുകാരനുമൊക്കെയായ പ്രേംജി അമരന് വിവാഹിതനാവുന്നു. അദ്ദേഹം തന്നെയാണ് സോഷ്യല് മീഡിയ അക്കൗണ്ടിലൂടെ ഈ കാര്യം വെളിപ്പെടുത്തിയത്.
വധു ആരാണെന്ന് പ്രേംജി അമരന് വെളിപ്പെടുത്തിയിട്ടില്ലെങ്കിലും മാധ്യമങ്ങളില് അത് സംബന്ധിച്ചുള്ള റിപ്പോര്ട്ടുകള് എത്തുന്നുണ്ട്. 44 കാരനായ പ്രേംജി അമരന്റെ ജീവിതത്തിലേക്ക് കൈപിടിക്കുക 22 കാരിയായ വിനൈത ശിവകുമാര് ആണ്. കഴിഞ്ഞ ഏതാനും വര്ഷങ്ങളായി ഇരുവര്ക്കുമിടയില് അടുപ്പമുണ്ട്. 2022 ലെ വാലന്റൈന്സ് ദിനത്തില് തങ്ങള്ക്കിടയിലെ ബന്ധത്തെക്കുറിച്ച് വിനൈത സോഷ്യല് മീഡിയയിലൂടെ പങ്കുവക്കുകയും ചെയിതിരുന്നു. അതേസമയം വിവാഹിതരാവുന്നത് സംബന്ധിച്ച ഔദ്യോഗിക പ്രഖ്യാപനത്തിനുവേണ്ടി കാത്തിരിക്കുകയാണ് ഇരുവരുടെയും ആരാധകര്.
തമിഴിലേതിന് പുറമെ ഹിന്ദിയിലും വിനൈത പാട്ടുകള് പാടിയിട്ടുണ്ട്. വെങ്കട് പ്രഭുവിനെ നായകനാക്കിയുള്ള സിനിമയിലൂടെ 1997 ല് സംവിധായകനായി സിനിമയില് അരങ്ങേറ്റം നടത്താന് ശ്രമിച്ച ആളാണ് പ്രേംജി അമരന്.