ഞാനും നീയും : കവിത , റോയ്പഞ്ഞിക്കാരൻ
ഒരു കവിത എഴുതണമെന്നു തോന്നുമ്പോൾ
വരുമൊരു മുഴക്കം ചുറ്റിൽനിന്നും
എന്നെക്കുറിച്ചെഴുതരുതേ എന്ന് .
ശെരി ശെരി , നിന്നെക്കുറിച്ചു
ഞാനെഴുതുന്നില്ല .
ഒന്നോർക്കുക
എന്നെക്കുറിച്ചെഴുതിയാലും നിന്നെ കുറിച്ചെഴുതിയാലും
എല്ലാം ഒന്ന് തന്നെ .
കാലം വിരിക്കുന്ന
പൂവിതളിൻ സുഗന്ധം
ആസ്വദിക്കുന്നതും
നമ്മളൊന്നായി !
ഞാൻ അറിഞ്ഞിട്ട
മധുരവും നുകരുന്നതും
നമ്മൊളൊന്നായി .
ഒരിക്കലും കാണാത്ത
കുയിലിന്റെ പാട്ടും ആസ്വദിക്കുന്നതും
നമ്മളൊന്നായി !
കൽ തുറങ്കിന്റെ ഇരുട്ട്
അനുഭവിക്കുന്നതും നമ്മളൊന്നായി !
കൊഴിഞ്ഞു വീണ
ഇലകളുടെ ദുഃഖവും അനുഭവിക്കുന്നതും
നമ്മളൊന്നായി !
എന്റെ പിന്നാലെ നീയും
നിന്റെ പിന്നാലെ ഞാനും !
പിന്നെ എന്തിനീ
എൻ ഭാവനകൾ നീ
നീ അനുവദിക്കാത്തത് ?