കൂട്ടുകാരൻ: കവിത, പുഷ്പ ബേബി തോമസ് 

നിന്നെപ്പോലൊരു കൂട്ടുകാരനുണ്ടാവുക 

എത്ര ഭാഗ്യമാണ്!!!

എൻ്റെ കാത്തിരിപ്പിന് 

അറുതിയായത് ,

അർത്ഥമുണ്ടായത് 

നിന്നെ കണ്ടു മുട്ടിയപ്പോഴാണ്.

മിഴിനീരടങ്ങാത്ത മിഴികളിൽ 

പ്രതീക്ഷയുടെ തിരി തെളിയിച്ചത് 

നീയാണ് .

കൈകോർത്ത് നടക്കുന്നതിനാൽ 

ദൂരം ഞാൻ അറിയുന്നില്ല .

മുള്ളുകൾ നീ വെട്ടിമാറ്റിയതിനാൽ

മുറിവുകൾ അന്യമെൻ 

പാദങ്ങളിൽ .

പൊള്ളും ചിന്തക്കള 

പെയ്തൊഴിയിച്ച് 

ശുഭചിന്തകളാൽ

മനം നിറച്ചത് നീയാണ് .

മനസ്സറിഞ്ഞ് 

നീ എന്നൊപ്പമുള്ളതിനാൽ

ഇനിയെൻ്റെ മോഹങ്ങൾക്ക് 

വിലക്കുകളില്ല,

അതിരുകളില്ല.

നിൻ്റെ കരുതൽ 

ചേർത്തു പിടിയ്ക്കൽ ,

കൂട്ട് ......

എനിക്ക് പകരുന്ന 

ആനന്ദം 

പറയാവതല്ല കൂട്ടുകാരാ .....

പുഷ്പ ബേബി തോമസ്