ക്രൂയിസ് മിസൈലുകള്‍ വിജയകരമായി പരീക്ഷിച്ച് ഉത്തരകൊറിയ
സിയോള്‍: സൈന്യത്തോട് യുദ്ധത്തിന് തയാറെടുക്കാൻ ആഹ്വാനം ചെയ്ത് ഉത്തര കൊറിയൻ ഏകാധിപതി കിം ജോങ് ഉൻ.വെള്ളിയാഴ്ച പടിഞ്ഞാറൻ തീരത്തെ നാംഫോയിലെ ഒരു കപ്പല്‍ശാല സന്ദർശനത്തിനിടെയാണ് കിമ്മിന്റെ ആഹ്വാനം.തുടർന്ന് കടലിലേക്ക് ക്രൂയിസ് മിസൈലുകള്‍ തൊടുത്തുവിട്ടുകൊണ്ട് ആയുധ പരീക്ഷണങ്ങളില്‍ ഉത്തര കൊറിയ ശക്തി കാട്ടുകയും ചെയ്തു.
എന്നാല്‍ ഉത്തരകൊറിയയുടെ ഔദ്യോഗിക ദേശീയ ന്യൂസ് ഏജൻസി കിം എപ്പോഴാണ് നാംഫോ സന്ദർശിച്ചതെന്ന് വ്യക്തമാക്കിയിട്ടില്ല. തന്റെ നാവിക സേനയെ ശക്തിപ്പെടുത്തുന്നത് രാജ്യത്തിന്റെ സമുദ്ര പരമാധികാരം സംരക്ഷിക്കുന്നതും യുദ്ധ തയ്യാറെടുപ്പുകള്‍ വേഗത്തിലാക്കുന്നതും ഏറ്റവും പ്രധാനപ്പെട്ട വിഷയമായി എടുത്തിട്ടുണ്ടെന്ന് കിം പറഞ്ഞതായി ദേശീയ ന്യൂസ് ഏജൻസി വ്യക്തമാക്കി.ഇതിനോടകം തന്നെ കൊറിയൻ ഉപദ്വീപില്‍ പിരിമുറുക്കങ്ങള്‍ ഏറ്റവും ഉയർന്ന ഘട്ടത്തിലാണ്
