ഇഷ്ടം: കവിത , റോയ് പഞ്ഞിക്കാരൻ
കുട നിവർത്തി പിടിക്കും
മഴ ഇഷ്ടമാണെന്നു പറയും .
തണൽ തേടും
ഒരു വെയിലിനായി കൊതിക്കും
പൂവിനെ ഇഷ്ടപ്പെടും
അന്യന്റെ പൂന്തോട്ടം നശിപ്പിക്കും .
പൂർണ ചന്ദ്രനെ ഇഷ്ടപ്പെടും
നിലാവിൽ,
വാതിലുകൾ കൊട്ടിയടച്ച്
സുഖമായി ഉറങ്ങും.
കാറ്റിനെ ഇഷ്ടപ്പെടും
ജനലുകൾ അടയ്ക്കും.
സ്വപ്നങ്ങൾ ഇഷ്ടപ്പെടും
ഞെട്ടിയുണരും , ശപിക്കും .
എന്നെ ഇഷ്ടമാണത്രെ
മാറി നിന്ന് കുറ്റം പറയും .
