ബോംബ് നിര്മാണത്തിനിടെ സ്ഫോടനം : പരിക്കേറ്റവരില് ഒരാള് മരിച്ചു
കണ്ണൂര്: പാനൂരില് ബോംബ് നിർമാണത്തിനിടെയുണ്ടായ സ്ഫോടനത്തില് പരിക്കേറ്റവരില് ഒരാള് മരിച്ചു. സി.പി.എം പ്രവര്ത്തകൻ പാനൂര് കൈവേലിക്കല് സ്വദേശി ഷെറിൻ ആണ് മരിച്ചത്.
നിർമാണത്തിലിരിക്കുന്ന വീടിന്റെ ടെറസില് ഇന്ന് പുലർച്ചെ ഒരു മണിയോടെയാണ് ഉഗ്ര സ്ഫോടനം നടന്നത്. മരിച്ച ഷെറിന്റെ ഇരുകൈപ്പത്തി അറ്റുപോയിരുന്നു. കൂടാതെ മുഖത്തും ഗുരുതര പരിക്കേറ്റിരുന്നു. കണ്ണൂരിലെ സ്വകാര്യ ആശുപത്രിയിലാണ് ആദ്യം പ്രവേശിപ്പിച്ചത്. ഗുരുതരാവസ്ഥയിലായതിനെ തുടർന്ന് വിദഗ്ധ ചികിത്സക്ക് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.
സംഭവത്തില് കൂടുതല് പേർക്ക് പരിക്കുണ്ടെന്നാണ് സൂചന.