കണ്ണൂര് സര്വകലാശാല വി.സി നിയമനം സുപ്രീം കോടതി റദ്ദാക്കി
ന്യൂഡല്ഹി: കണ്ണൂര് സര്വകലാശാല വി.സി ഗോപിനാഥ് രവീന്ദ്രന്റെ പുനര്നിയമനം സുപ്രീംകോടതി റദ്ദാക്കി. വി.സി. നിയമനത്തില് ബാഹ്യ ഇടപെടല് പാടില്ലെന്ന് സുപ്രീംകോടതി പറഞ്ഞു.
പുനര്നിയമന ഉത്തരവ് ചാൻസലറാണ് പുറത്തിറക്കിയതെങ്കിലും തീരുമാനത്തില് സര്ക്കാരിന്റെ അനാവശ്യ ഇടപെടലുണ്ടായെന്ന് സുപ്രീം കോടതി ചൂണ്ടിക്കാട്ടി. ചാൻസലര് നിയമപരമായ തന്റെ അധികാരം പൂര്ണ്ണമായും അടിയറവെച്ചു. ഇത് നിയമനപ്രക്രിയയെ അസാധുവാക്കുന്നു. വി.സി സ്ഥാനത്തേക്കുള്ള യോഗ്യതയെക്കുറിച്ച് കോടതി പരിശോധിച്ചിട്ടില്ല. അത് ചെയ്യേണ്ടത് നിയമനം നടത്തുന്ന അതോറിറ്റിയാണ്. നിയമനം സംബന്ധിച്ച തീരുമാനമെടുക്കുന്ന പ്രക്രിയയിലാണ് അട്ടിമറി നടന്നിരിക്കുന്നതെന്നും സുപ്രീം കോടതി വ്യക്തമാക്കി.