റിപ്പബ്ലിക്കൻ പാര്ട്ടിയുടെ പ്രൈമറി തെരഞ്ഞെടുപ്പില് ഡൊണാള്ഡ് ട്രംപിന് ജയം
റിപ്പബ്ലിക്കൻ പാർട്ടിയുടെ പ്രൈമറി തെരഞ്ഞെടുപ്പില് മുൻ അമേരിക്കൻ പ്രസിഡന്റ് ഡൊണാള്ഡ് ട്രംപിന് ജയം. ഇതോടെ യു എസ് പ്രസിഡന്റ് തെരഞ്ഞെടുപ്പരില് വീണ്ടും ജോ ബൈഡൻ-ട്രംപ് പോരാട്ടത്തിനുള്ള സാധ്യത വർധിക്കുകയാണ്.
നാല് ക്രിമിനല് കുറ്റപത്രങ്ങള് ഉള്പ്പെടെയുള്ളവ ട്രംപിനെതിരെ നിലനില്ക്കുന്നുണ്ടെങ്കിലും പ്രൈമറി തെരഞ്ഞെടുപ്പ് വിജയത്തോടെ അമേരിക്കൻ പ്രസിഡന്റ് കസേരയ്ക്കായുള്ള പോരാട്ടത്തില് ട്രംപ് ഒരു ചുവട് കൂടി മുന്നോട്ടുവച്ചിരിക്കുകയാണ്. തന്റെ പഴയ ബോസിനോട് മത്സരിക്കാനാണ് ഡെമോക്രാറ്റുകള് ആഗ്രഹിക്കുന്നതെന്ന് മാത്രമായിരുന്നു പ്രൈമറി തെരഞ്ഞെടുപ്പില് ട്രംപ് ജയമുറപ്പിച്ച പശ്ചാത്തലത്തില് നിക്കി ഹേലിയുടെ പ്രതികരണം.
വടക്കുകിഴക്കൻ സംസ്ഥാനങ്ങളില് ശക്തമായ പോളിംഗ് രേഖപ്പെടുത്തിയതിനാല്, ഹേലി വലിയ അട്ടിമറി പ്രതീക്ഷിച്ചിരുന്നു. എന്നാല് വോട്ടെണ്ണല് തുടങ്ങി ആദ്യ ഫലസൂചനകള് പുറത്തുവന്നപ്പോള് തന്നെ അന്താരാഷ്ട്ര മാധ്യമങ്ങള് ട്രംപിന്റെ വിജയം പ്രവചിക്കുകയായിരുന്നു