തമിഴ്നാട് മോട്ടോര് വാഹന വകുപ്പ് കസ്റ്റഡിയിലെടുത്ത റോബിന് ബസ് വിട്ടു നല്കി
തമിഴ്നാട്: തമിഴ്നാട് മോട്ടോര് വാഹന വകുപ്പ് കസ്റ്റഡിയിലെടുത്ത റോബിന് ബസ് വിട്ടുനല്കി. പെര്മിറ്റില് ലംഘനത്തിന് പിഴ അടച്ച ശേഷമാണ് ബസ് തമിഴ്നാട് മോട്ടോര് വാഹന വകുപ്പ് വിട്ടു നല്കിയത്.
10,000 രൂപ പിഴ അടച്ചതിന് പിന്നാലെയാണ് ബസ് ഉടമയായ ഗിരീഷിന് വിട്ട് കൊടുക്കാന് അധികൃതര് തീരുമാനിച്ചത്. കോയമ്ബത്തൂര് സെന്ട്രല് ആര്ടിഒയുടെതാണ് നടപടി. ഇന്ന് വൈകീട്ട് മുതല് സര്വീസ് പുന:രാരഭിക്കുമെന്ന് ബസ് ഉടമ ഗിരീഷ് അറിയിച്ചു.
രണ്ടാംദിനം സര്വീസിന് ഇറങ്ങിയ റോബിന് ബസിനെ കഴിഞ്ഞ ദിവസമാണ് തമിഴ്നാട് മോട്ടോര് വാഹന വകുപ്പ് കസ്റ്റഡിയിലെടുത്തത്.