നവകേരള സദസിന് തദ്ദേശ സ്ഥാപനങ്ങള് പണം നല്കണമെന്ന ഉത്തരവ് സ്റ്റേ ചെയ്ത് ഹൈക്കോടതി
കൊച്ചി: നവകേരള സദസിന് തദ്ദേശ സ്ഥാപനങ്ങള് പണം നല്കണമെന്ന ഉത്തരവ് സ്റ്റേ ചെയ്ത് ഹൈക്കോടതി. പഞ്ചായത്ത് ഭരണ സമിതി തീരുമാനത്തിന് വിരുദ്ധമായി സെക്രട്ടറിമാര് ഫണ്ട് അനുവദിക്കരുതെന്നും ഹൈക്കോടതി നിര്ദ്ദേശിച്ചു.
നവകേരള സദസിനായി തദ്ദേശ സ്ഥാപനങ്ങളില് നിന്നും സഹകരണ സംഘങ്ങളില് നിന്നും പണം ഈടാക്കാനായിരുന്നു സര്ക്കാര് നീക്കം. തദ്ദേശ സ്ഥാപനങ്ങളുടെ തനത് ഫണ്ടില് നിന്ന് പണം നല്കാൻ ക്വാട്ട നിശ്ചയിച്ച് അഡീഷനല് ചീഫ് സെക്രട്ടറി ഉത്തരവ് ഇറക്കിയിരുന്നു. ഗ്രാമപഞ്ചായത്തുകള് അൻപതിനായിരവും മുൻസിപ്പാലിറ്റികളും ബ്ലോക്ക് പഞ്ചായത്തുകളും ഒരു ലക്ഷവും കൊടുക്കണം എന്നായിരുന്നു നിര്ദ്ദേശം.