സാമൂഹിക മാധ്യമങ്ങള്‍ ആളുകളെ കുറ്റപ്പെടുത്താനാണ് ഉപയോഗിക്കുന്നത്: മല്ലിക സുകുമാരൻ
സാമൂഹിക മാധ്യമങ്ങള്‍ അനാവശ്യ വിവാദമുണ്ടാക്കുന്നുണ്ടെന്ന് മല്ലിക സുകുമാരൻ പറഞ്ഞു. കെപിസിസി സംസ്‌കാര സാഹിതിയുടെ തെക്കൻമേഖലാ ക്യാമ്ബില്‍ സംസാരിക്കവെയാണ് മല്ലിക സുകുമാരന്‍ ഇക്കാര്യം പറഞ്ഞത്.
പല ആളുകളെയും കുറ്റപ്പെടുത്താനാണ് സാമൂഹിക മാധ്യമങ്ങള്‍ ഉപയോഗിക്കുന്നതെന്നും മല്ലിക സുകുമാരന്‍ പറഞ്ഞു.
അതേസമയം ഉള്ളത് പറയുന്നതുകൊണ്ട് അമ്മ സംഘടനയില്‍ നിന്ന് പോലും വിമർശനമുണ്ടായിയെന്നും മല്ലിക വ്യക്തമാക്കി. പരാതികളും ബലഹീനതകളും സംസാരിക്കാനുള്ളതാകണം സംഘടന. ചിലർ സ്വയം ആളാകുകയാണെന്നും അവർ പറഞ്ഞു. അത്തരക്കാരെ മാറ്റിനിർത്തണം. ഒന്ന് കിട്ടിക്കഴിഞ്ഞാല്‍ ആവശ്യമില്ലാത്തത് പറഞ്ഞുണ്ടാക്കുകയാണെന്നും മല്ലിക സുകുമാരന്‍ വിമർശിച്ചു.</p>
