സ്വയം പ്രഖ്യാപിത ആള്ദൈവം സന്തോഷ് മാധവന് അന്തരിച്ചു
കൊച്ചി: വിവാദ ആള്ദൈവം സന്തോഷ് മാധവന് അന്തരിച്ചു . ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.
കട്ടപ്പന സ്വദേശിയായ സന്തോഷ് മാധവന് ശാന്തിതീരം എന്ന ആശ്രമം നടത്തിയിരുന്നു. സ്വാമി ചൈതന്യ എന്ന പേരിലാണ് ഇയാള് അറിയപ്പെട്ടിരുന്നത്. 2008ലണ് സന്തോഷിന്റെ തട്ടിപ്പുകളും ലൈംഗിക പീഡനങ്ങളും പുറംലോകമറിഞ്ഞത്. 2009 മേയ് 20ന് എറണാകുളം അഡീഷണല് സെഷൻസ് കോടതി സന്തോഷ് മാധവനെ പ്രായപൂർത്തിയാകാത്ത പെണ്കുട്ടികളെ പീഠിപ്പിച്ചു എന്ന കേസില് 16 വർഷത്തെ തടവിനു ശിക്ഷിച്ചിരുന്നു. രണ്ടു കേസുകളിലായി 8 വർഷം വീതം തടവും 2,10,000 രൂപ പിഴയും ആണ് കോടതി വിധിച്ചത്. നീണ്ട ജയില്വാസത്തിന് ശേഷം പുറംലോകവുമായി ബന്ധമില്ലാതെ ജീവിക്കുകയായിരുന്നു.