കേന്ദ്രമന്ത്രി ജോർജ് കുര്യൻ രാജിവെച്ചു

ഡൽഹി: കേന്ദ്ര ന്യൂനപക്ഷ-ഫിഷറീസ്‌ സഹമന്ത്രി ജോർജ് കുര്യൻ രാജിവെച്ചു.  രാജ്യസഭയിലെ ആറ് വർഷത്തെ കാലാവധി അവസാനിച്ചതിനെ തുടർന്നാണ് രാജി. രാജ്യസഭയിലേക്ക് അദ്ദേഹത്തിന് വീണ്ടും ബിജെപി അവസരം നൽകിയിരുന്നില്ല. രാഷ്ട്രപതി ദ്രൗപദി മുർമു ജോർജ് കുര്യന്റെ രാജി സ്വീകരിച്ചതായി രാഷ്ട്രപതി ഭവൻ പ്രസ്താവനയിൽ അറിയിച്ചു.

കോട്ടയം സ്വദേശിയായ ജോർജ് കുര്യൻ 1980-ൽ ബിജെപി രൂപീകൃതമായതു മുതൽ പാർട്ടിയുടെ ഭാഗമായി പ്രവർത്തിച്ചുവരികയാണ്. ബിജെപിയുടെ സംസ്ഥാന ഘടകത്തിന്റെ വൈസ് പ്രസിഡന്റായി സേവനമനുഷ്ഠിച്ചിട്ടുണ്ട്. ബിജെപി സംസ്ഥാന ജനറൽ സെക്രട്ടറി, ഭാരതീയ യുവമോർച്ചയുടെ ദേശീയ സെക്രട്ടറി, പാർട്ടിയുടെ ദേശീയ നിർവാഹക സമിതി അംഗം എന്നീ പദവികളും അദ്ദേഹം വഹിച്ചിട്ടുണ്ട്.