ഇന്ത്യൻ വംശജ ആശാ ശർമയെ മൈക്രോസോഫ്റ്റ് ഗെയിമിംഗ് സി ഇ ഒ ആയി നിയമിച്ചു
ന്യൂഡൽഹി; മൈക്രോസോഫ്റ്റ് ഗെയിമിംഗിന്റെ എക്സിക്യൂട്ടീവ് വൈസ് പ്രസിഡന്റായും സി ഇ ഒ ആയും ഇന്ത്യൻ വംശജയായ ആശാ ശർമ്മയെ നിയമിച്ചു. ഇതോടെ ആഗോള കമ്പനികളുടെ നേതൃനിരയിലുള്ള ഇന്ത്യൻ വംശജരുടെ പട്ടികയിലേക്ക് ഒരാൾ കൂടി എത്തിയിരിക്കുകയാണ്.
മൈക്രോസോഫ്റ്റ് ചെയർമാനും സി ഇ ഒ യുമായ സത്യ നദെല്ലയാണ് നിയമനം പ്രഖ്യാപിച്ചത്. കഴിഞ്ഞ രണ്ട് വർഷമായി മൈക്രോസോഫ്റ്റിൽ വിവിധ സേവനങ്ങൾ വികസിപ്പിക്കുന്നതിലും വ്യാപിപ്പിക്കുന്നതിലും ആശാ ശർമ്മ നിർണ്ണായക പങ്കുവഹിച്ചതായി അദ്ദേഹം പറഞ്ഞു.
മൈക്രോസോഫ്റ്റിലെത്തുന്നതിന് മുമ്പ് ഇൻസ്റ്റാകാർട്ടിൽ ചീഫ് ഓപ്പറേറ്റിംഗ് ഓഫീസറായും മെറ്റയിൽ വൈസ് പ്രസിഡന്റായും ആശാ ശർമ്മ സേവനമനുഷ്ഠിച്ചിട്ടുണ്ട്.
