പുതു ലുക്കിൽ എയര്‍ ഇന്ത്യ വിമാനം
ന്യൂഡല്‍ഹി: എയര്‍ ഇന്ത്യ വിമാനത്തിന് പുതിയ ലുക്ക്. എയര്‍ ഇന്ത്യയുടെ എ 350-900 എയര്‍ക്രാഫ്റ്റ് സിംഗപ്പൂരില്‍ നിന്ന് ഫ്രാൻസിലെ തൗലോസിലേക്ക് വെള്ളിയാഴ്ച എത്തി.
പുതിയൊരു അധ്യയത്തിന് തുടക്കം കുറിക്കുന്നുവെന്ന് എയര്‍ ഇന്ത്യ അറിയിച്ചു. യാത്രക്കാര്‍ക്ക് ആധുനിക സൗകര്യങ്ങളോടുകൂടിയ യാത്രാ അനുഭവം ലഭ്യമാക്കുക എന്ന ലക്ഷ്യത്തിലേക്കുള്ള പുതിയൊരു കാല്‍വെപ്പ് കൂടിയാകും എയര്‍ ഇന്ത്യയുടെ പുതിയ വിമാനമെന്നും അധികൃതര്‍ വ്യക്തമാക്കി. സിംഗപ്പൂരില്‍ നിന്ന് ഫ്രാൻസിലെ തൗലോസിലേക്ക് എയര്‍ ഇന്ത്യയുടെ എ350-900 എയര്‍ക്രാഫ്റ്റ് വെള്ളിയാഴ്ച എത്തുക പുതിയ ലുക്കിലായിരിക്കുമെന്നും എയര്‍ ഇന്ത്യ എക്സ് പ്ലാറ്റ് ഫോമില്‍ കുറിച്ചു.
സിംഗപ്പൂരില്‍ വെച്ചാണ് വിമാനം പുതിയ രൂപകല്‍പനയിലേക്ക് മാറ്റിയത്. ഡിസംബറിന് മുമ്ബായി വിമാനം കൈമാറും. വിമാനം കൈമാറുന്നതിന് മുമ്ബായി ചെയ്യേണ്ട തുടര്‍പ്രവര്‍ത്തനങ്ങള്‍ക്ക് വേണ്ടിയായണ് സിംഗപ്പൂരില്‍ നിന്ന് ഫ്രാൻസിലേക്ക് വിമാനം എത്തിച്ചതെന്ന് എയര്‍ ഇന്ത്യയുടെ മുതിര്‍ന്ന ഉദ്യോഗസ്ഥനെ ഉദ്ധരിച്ച്‌ എൻഡിടിവി റിപ്പോര്‍ട്ട് ചെയ്യുന്നു.
